Cowork i Møre og Romsdal – søk tilskot, lag gode arbeidsfellesskap
No kan du søke tilskot for å etablere nye-, eller vidareutvikle eksisterande arbeids-, visnings- og produksjonsfellesskap.
Carina Stokke
- Driv du eit arbeidsfellesskap i dag, eller ønsker du å starte eit?
- Brenn du for å utvikle kreativ næring?
- Er du kunstnar og vil utvikle eit visnings- og produksjonsfellesskap?
- Eig du eit lokale som kan utviklast til cowork-konsept?
- Er de fleire verksemder som saman vil skape meir aktivitet og attraktivitet?
Møre og Romsdal fylkeskommune vil gjennom tilskotet auke talet på arbeidsplassar i fylket, støtte opp under kreativ næring og støtte opp under kunstnardriven infrastruktur og aktivitet.
Du kan lese meir om tilskotsordninga på denne lenka.
Vil du vite meir? Bli med på digitalt informasjonsmøte 10. mai, kl. 13.00. Her får du vite meir om ordninga, treffe andre arbeidsfellesskap og høyre deira erfaringar.
Publisert 26.04.2024 09.13
Sist endra 14.05.2024 21.57