– Det er med stor glede vi gir ut desse stipenda. Det er gjer det mogleg for kunstnarar og jobbe i fylket og er ikkje minst med på sikre eit levande kulturliv i Møre og Romsdal. Kunstnarstipenda er viktige for å styrke kunstnarøkonomien. Det gir kunstnaren moglegheit til å jobbe med kunsten sin, utvikle seg og fordjupe seg over tid som igjen er med på å løfte kvaliteten i arbeidet til kunstnarane, seier Jessica Gärtner, leiar i kultur- og folkehelseutvalet.
Om kunstnarane som får stipend
Lissette Escobar – eit særprega kunstnarskap med internasjonalt blikk
Kunstnar Lissette Escobar, Sula
Privat
Lissette Escobar, busett i Sula, får stipend for å vidareutvikle eit kunstnarskap der ho jobbar med komplekse tema som identitet, historie og kulturell arv. Ho utforskar den menneskelege erfaringa gjennom materialbruk og visuelle uttrykk som bind saman ulike tidsepokar og geografiske kontekstar.
Juryen meiner Escobar har levert ein sterk søknad, med eit tydeleg kunstnarisk prosjekt og eit særprega formspråk. I eitt av dei pågåande prosjekta sine skal ho undersøkje arkeologiske keramiske objekt ved museum i Europa, med særleg vekt på keramikk frå Peru. Dette er eit prosjekt som opnar opp for refleksjonar kring museal praksis og dekolonisering av kulturarv – ei problemstilling som står sentralt i mange europeiske institusjonar i dag.
Idun Aalbu Rasmussen – nært og langvarig filmarbeid om sorg og håp
Filmskapar Idun Aalbu Rasmussen, Ålesund
Hans Munthe-Kaas
Filmskapar Idun Aalbu Rasmussen frå Ålesund får arbeidsstipend på 200 000 kroner for sitt dokumentarfilmprosjekt Pappas kamp for Syver – ein observerande og karakterdriven dokumentar som går tett på dei menneskelege kjenslene som oppstår i møte med sjukdom, ventesorg og håp.
Gjennom fleire år har Rasmussen følgd ei familie der eit barn har ei alvorleg sjukdomshistorie. Med varsam tilnærming og god tillit til dei ho filmar, bygg ho opp eit nært og truverdig bilete av ein far si livslange kamp for sonen sin.
Stipend til film, musikk litteratur, scenekunst og visuell kunst
Då søknadsfristen gjekk ut, var det totalt 35 søknadar. Av desse var det 11 som fekk tildelt stipend. Her kan du lese juryen sin uttale. (PDF, 95 kB)
Visuelle kunstartar – arbeidsstipend på 200 000 kroner:
Lissette Escobar, Sula
Film – arbeidsstipend på 200 000 kroner:
Idun Aalbu Rasmussen, Ålesund
Film:
Jakob Stærk, Ørsta, 50 000 kroner
Litteratur:
Hilde Myklebust, Vanylven, 100 000 kroner
Øyvind Rangøy, Averøy, 50 000 kroner
Musikk:
Vegard Kvamme Holum, Ålesund, 100 000 kroner
Vetle Nerø, Ålesund, 50 000 kroner
Scenekunst:
Jimu Makurmbandi, Kristiansund, 80 000 kroner
Karen Emilie Nes, Ålesund, 20 000 kroner
Visuell kunst:
Simon Wågsholm, Skodje, 100 000 kroner
Heidi Rødstøl, Rauma, 50 000 kroner