Det viser årsrekneskapen for 2023, som saman med resultatvurdering og årsmelding skal behandlast av hovudutvala 2. april, av fylkesutvalet 8.-9. april før endeleg behandling i fylkestinget 22.-24. april.
Måltal
Om netto driftsresultat, som er på 0,8 prosent av brutto driftsinntekter, skriv fylkeskommunedirektøren at fylkestinget si målsetting er 3,3 prosent. Korrigert gjeldsgrad er på 102 prosent – fylkestinget si målsetting er 120 prosent, noko som er høgare enn Det tekniske berekningsutvalet (TBU ) si anbefalte målsetting på maksimalt 90 prosent. Disposisjonsfondet er på 9,7 prosent – målsettinga er 10 prosent.
– Det er første gong sidan 2019 at MRFK har eit disposisjonsfond under målsettinga på 10 prosent, skriv fylkeskommunedirektøren i saksframlegget.
Meirforbruk samferdselsområdet
Rekneskapen for 2023 viser at samferdselsområdet hadde eit meirforbruk på 92,6 mill. Meirforbruket på samferdsel har bakgrunn i ein inntektssvikt på 63 mill. kroner og at kontraktane vert regulert med ein høgare indeks enn kva som er kompensert i statsbudsjettet og i rammetilskotet frå staten. På bakgrunn av inntektssvikten forslår fylkeskommunedirektøren å auke billettprisane på buss, båt og ferje i sak om «Endring av budsjett 2024» til fylkestinget i april.
– Takstauke er heilt nødvendig for å auke inntektene opp til nivået som er lagt til grunn i budsjett 2024 og økonomiplan 2024-2027. Truleg vil ikkje desse tiltaka vere tilstrekkeleg, og det er behov for å gå djupare inn i kva som er årsakene til inntektssvikten, skriv fylkeskommunedirektøren i saksframlegget. Ho vil i løpet av 2024 legge fram ei sak til fylkestinget med ei utgreiing av heile inntektsida i kollektivtrafikken.
Meirforbruk kompetanseområdet
Meirforbruket på kompetanseområdet er på 53,8 mill. kr., blant anna som følge av at dei vidaregåande skolane ikkje har klart å tilpasse struktur og tilbod til strammare økonomiske rammer. Dei vidaregåande skolane er allereie i gang med tiltak for å redusere driftsnivået i 2024.
Nøkkeltal:
- Brutto driftsinntekter: 7.504 mill. kr
- Brutto driftsutgifter: 7.494 mill. kr
- Netto driftsresultat korrigert for bundne fond: 63,3 mill. kr, tilsvarande 0,8 % av driftsinntektene
- Renteutgifter: 314,8 mill. kr
- Avdrag på lån: 346,8 mill. kr
- Investeringar: 1 677,3 mill. kr
- Lånegjeld: 9 765 mill. kr
Du kan lese årsrapporten her.
Du kan lese årsmelding her.
Møteinnkalling, saksliste og saksframlegg for samferdselsutvalet 2. april 2024
Møteinnkalling, saksliste og saksframlegg for kultur- og folkehelseutvalet 2. april 2024
Møteinnkalling, saksliste og saksframlegg for kompetanse- og næringsutvalet 2. april 2024