Eit einstemmig kultur- og folkehelseutval fordelte tysdag éin million kroner i restmidlar frå spelemidlane til kulturbygg.
Volda samfunnshus får 74.000 kroner. Samfunnshuset fekk tidlegare 1.689.000 kroner, og med den nye tildelinga får prosjektet heile det godkjende tilskotsbeløpet på 1.763.000 kroner. Ombygginga skal mellom anna gi lokale til fritidsklubb, kino og scene og forsamlings- og festlokale.
Stiftinga Viti får 926.000 kroner til publikumsareal ved Sunnmøre museum. Søknaden gjeld ein universelt utforma utstillingssal i andre etasje og utvikling av eit fleirbrukslokale for foredrag, konsertar, verkstader og kurs i første etasje. Stiftinga kan søke om det resterande godkjende tilskotsbeløpet i 2027.
Pengane kjem frå inndratte og tilbakebetalte midlar i den desentraliserte ordninga for tilskot til kulturbygg, og til søknadar som alt er godkjent. Tidlegare i 2026 fordelte fylkeskommunen 5.377.000 kroner gjennom ordninga. Med restmidlane blir det samla fordelt 6.377.000 kroner til kulturbygg i år.
Møteprotokoll og saksframlegg for kultur- og folkehelseutvalet tysdag 20. oktober
- Tilskotsmidlar er pengar som fylkeskommunen deler ut til aktivitet og prosjekt i lag, organisasjonar, institusjonar og andre aktørar. Driftstilskot er avgrensa til aktørar med ein regional funksjon og nedslagsfelt i fylket.
- Midlane kan vere statlege eller fylkeskommunale, men fylkeskommunen har ansvar for utlysing, søknadsbehandling og oppfølging.
- I 2025 (2024-tal i parentes) behandla kulturavdelinga 2.495 (2.435) søknadar og fordelte 109,7 (104,9) mill. kroner i fylkeskommunale midlar og 200,4 (149,3) mill. kroner i statlege midlar.
- Tilskotsarbeidet er ressurskrevjande og ei av dei mest arbeidsintensive oppgåvene i kulturavdelinga.
- Når søknadsmengda er større enn tilgjengelege midlar, må fylkeskommunen prioritere, og nokre prosjekt får avslag eller lågare tilskot enn søkt.