Vedtaket i kompetanse- og næringsutvalet var einstemmig.
Replast-prosjektet skal kartlegge behovet for høgkvalitets resirkulert plast og etablere ei heilskapleg verdikjede for plastgjenvinning i Noreg.
Utnytte norsk plastavfall
Gjennom samarbeid med forskingsmiljø, næringsliv og offentlege aktørar skal Replast i Kristiansund utvikle teknologi og metodar som gjer det mogleg å utnytte norsk plastavfall betre. Målet er å redusere avhengigheita av importert plast og bidra til at Noreg når EU-kravet om minst 30 prosent resirkulert plast i nye produkt.
Prosjektet omfattar kartlegging av plastkjelder, utvikling av nye materialar, optimalisering av logistikk og verdikjede, samt berekrafts- og lønsemdsanalyse. Det er òg planar om å vidareføre arbeidet i eit større forskings- og utviklingsprosjekt.
Leia av Replast
Replast leier prosjektet, med Norner Research og Future Materials som FoU-partnarar. Romsdal Interkommunale Renovasjonsselskap bidreg med avfallsinnsamling, medan Pla-Mek AS, Vindel AS, Fagskolen Innlandet og 2i Kompetanse AS deltek med kompetanse innan marknad, berekraft og prosjektleiing.
Tilskotet kjem frå Skaparkraft-programmet, som er fylkeskommunen si tiårige satsing for å styrke eksportnæringar og utvikle nye, berekraftige næringar. Programmet støttar prosjekt som fremmer sirkulærøkonomi og grøne verdikjeder.
Ein katalysator
Prosjektet bygger også under Grønt Industriløft Møre og Romsdal, der målet er å styrke grøne og sirkulære prosjekt med stort vekstpotensial, og vere ein katalysator for nye verdikjeder på tvers av sektorar.
Saksliste, saksframlegg og møteprotokoll for kompetanse- og næringsutvalet 8. mai