TINE sitt geiteprosjekt skal styrke geitemiljøet og rekruttere nye produsentar. Illustrasjonsfoto.
Kai Bedringås
NORSØK får inntil 797.435 kroner til eit treårig prosjekt for meir økologisk og miljøvennleg landbruk, medan TINE SA får inntil 650.000 kroner til eit geiteprosjekt for Møre og Romsdal og Vestland.
Kompetanse- og næringsutvalet behandla saka 18. september og vedtok einstemmig å støtte begge søknadane. Prosjekta skal bidra til auka verdiskaping, rekruttering og kompetanseheving i landbruket.
NORSØK
NORSØK-prosjektet skal fremme økologiske metodar gjennom møteplassar, kurs, markdagar og fagseminar. Målet er å auke andelen økologisk jordbruk i fylket, som i dag ligg på 3,5 prosent, langt frå det nasjonale målet på 10 prosent innan 2032.
TINE
TINE sitt geiteprosjekt skal styrke geitemiljøet og rekruttere nye produsentar i Møre og Romsdal og Vestland. Prosjektet omfattar rådgjeving, startpakkar, fagmøte og samlingar for geitebønder. Støtta er avgrensa til 37,4 prosent av det totale kostnadsoverslaget. Dersom Vestland fylkeskommune ikkje gir støtte, skal midlane berre nyttast til aktivitetar i Møre og Romsdal.
Prosjekta får støtte frå statlege midlar og har ingen økonomiske konsekvensar for fylkeskommunen.
Møteprotokoll og saksframlegg for kompetanse-og næringsutvalet torsdag 18. september