Eksempel på coworking.
Carina Stokke
Kultur- og folkehelseutvalet har einstemmig løyvd midlane gjennom tilskotsordninga «Cowork Møre og Romsdal». Ordninga skal legge til rette for å utvikle attraktive arbeidsfellesskap som bidreg til at fleire vil arbeide og bu i Møre og Romsdal. Den skal auke talet på arbeidsplassar i fylket, støtte opp under kunstnardriven infrastruktur og aktivitet for å utvikle attraktive arbeids-, visnings- og produksjonsfellesskap i Møre og Romsdal.
Dei åtta aktørane som har fått tilskot, er:
Søkar | Prosjekt | Tilskot |
Kristiansund Kunsthall | Utviklingsprosjekt | 100.000,- |
Longva kunstnarresidens | Langsiktig og berekraftig drift for Longva kunstnarresidens | 525.000,- |
Næringsfabrikken AS | Kreativitetsarenaen | 250.000,- |
Rauma kommune | Forprosjekt, Kreative fellesskap i Rauma | 100.000,- |
Siri Skjerve ENK | «Jordsmonn» | 250.000,- |
Sunndal næringsselskap | Nettverk for kreative næringar i Sunndal og omegn | 250.000,- |
Vindel AS | Cowork for kulturell og kreativ næring på Nordmøre | 400.000,- |
Westory AS | Filmkollektivet i Møre og Romsdal | 200.000,- |
Sum: | | 2.075.000,- |
Tilskota er avgrensa til 50 prosent av totalkostnaden for prosjektet, og er gitt på vilkår av fullfinansiering.
Tilskotet vart lyst ut i mai 2024, med søknadsfrist 14. juni 2024. Det kom inn til saman 16 søknadar.
Møtedokument for kultur- og folkehelseutvalet tysdag 10. september 2024.