Bilferja MF Skopphorn på ferjesambandet Magerholm-Sykkylven.
Terje Aamodt/Møre og Romsdal fylkeskommune
Møre og Romsdal fylkeskommune driftar 20 ferjesamband i fylket vårt. Totalt i 2023 transporterte fylkesvegferjene over 4,4 mill. køyretøy, eller meir enn 12.000 køyretøy i snitt kvar dag. Totalt vart det transportert over 200.000 fleire køyretøy i 2023 enn i 2022.
- Alle samband i 2023 har auke i trafikken samanlikna med 2022, men ikkje uventa er det dei nye gratis-sambanda som har hatt størst prosentvis vekst, seier Stig Helle-Tautra, avdelingssjef i FRAM.
I august 2023 blei tilbodet med gratis ferjer utvida til alle samband som ikkje har alternativ reiseveg til fastlandet. Alle gratis-sambanda har ein høgare prosentvis auke i trafikken enn dei som ikkje er gratis.
Trafikkauke, men færre attståande køyretøy
Talet på attståande køyretøy i 2023 har gått ned samanlikna med 2022. Teljinga viser at det i 2023 var om lag 29.000 køyretøy som ikkje fekk plass på ferja og måtte vente til neste avgang. Det er ein nedgang på 2,3 prosent frå 2022, noko som er ei god utvikling når vi ser det i samanheng med at det har vore trafikkauke i same periode.
Køyretøy under 6 meter aukar mest
Statistikken skil mellom køyretøy over og under 6 meter. Totalt for alle samband auka køyretøy under 6 meter med 5,7 prosent, medan over 6 meter auka med 2,4 prosent samanlikna med 2022.
Dei klart største ferjesambanda på fylkesvegane er Magerholm – Sykkylven og Hareid – Sulesund.
Ferjene mellom Magerholm – Sykkylven transporterte over 880.000 køyretøy i 2023. Det betyr ein auke på 4,5 prosent. Sambandet hadde ein auke på 5,3 prosent for køyretøy under 6 meter, og ein nedgang på 3,9 prosent over 6 meter.
Hareid – Sulesund er nesten like stort, og transporterte 800.000 køyretøy i 2023. Det blei ein auke totalt for sambandet på 3,9 %. Auken er 4 prosent for køyretøy under 6 meter, og 3 prosent over 6 meter samanlikna med 2022.
Åfarnes – Sølsnes har ei auke på 0,6 prosent samanlikna med 2022. Auken er på 1,1 prosent for køyretøy under 6 meter, og ein reduksjon på 2 prosent for køyretøy over 6 meter.
Seivika – Tømmervåg har auke på køyretøy over 6 meter med 8,4 prosent, med ein samla auke for sambandet på 3,6 prosent i 2023. Trafikkveksten for køyretøy under 6 meter er på 3,1 prosent.
Aukra – Hollingsholmen har ei auke på 8,9 prosent frå 2022. Auken er størst på køyretøy under 6 meter med 9,3 prosent. Sambandet vart gratis ifrå 16. august 2023, og fram til sambandet vart gratis (januar – 15. august) var det ein auke på 8 prosent samanlikna med 2022, i perioden etter at sambandet vart gratis (16. august – 31. desember) var auken på 10,4 prosent.
Fleire personar per køyretøy på turistsambanda
Statistikken viser at talet på personar per køyretøy held seg stabilt med tidlegare år, og ligg på 1,7 personar per køyretøy i 2023.
– Ikkje uventa er det dei typiske turistsambanda som har flest personar i kvart køyretøy, seier Stig Helle-Tautra, avdelingssjef i FRAM. – Her ligg tala på mellom 2,2 til 2,4 personar per køyretøy.
Dette gjeld samband som:
- Eidsdal – Linge
- Geiranger – Hellesylt (vintersamband, 1.januar – 31. mars og 16. oktober – 31. desember)
- Småge – Orta – Finnøya – Sandøya - Ona
- Standal – Trandal – Sæbø – Skår – Valderøya - Store Kalvøy
Køyretøy opptil 6 meter, i 2023
Samband | Antal i 2023 | Endring frå 2022 |
Arasvika-Hennset | 40 949 | 15,8 % |
Aukra-Hollingsholmen | 366 015 | 9,3 % |
Brattvåg-Dryna | 49 480 | 11,3 % |
Edøya-Sandvika | 121 480 | 7,1 % |
Eidsdal-Linge | 210 597 | 4,3 % |
Festøya-Hundeidvika | 27 418 | 13,0 % |
Geiranger-Hellesylt | 5 350 | 86,3 % |
Hareid-Sulesund | 721 158 | 4,0 % |
Kvanne-Rykkjem | 147 885 | 3,3 % |
Larsnes-Åram-Voksa-Kvamsøya | 71 157 | 8,1 % |
Molde-Sekken | 25 235 | 37,4 % |
Seivika-Tømmervåg | 259 687 | 3,1 % |
Småge-Orta-Finnøya-Sandøya-Ona | 21 498 | 27,9 % |
Solholmen-Mordalsvågen | 192 934 | 8,1 % |
Standal-Trandal-Sæbø-Skår-Valderøya-Store Kalvøy | 5 331 | 13,0 % |
Stranda-Liabygda | 176 920 | 5,4 % |
Sykkylven-Magerholm | 817 087 | 5,3 % |
Sæbø-Leknes | 42 146 | 13,3 % |
Volda-Lauvstad | 104 427 | 5,0 % |
Åfarnes-Sølsnes | 384 414 | 1,1 % |
Årvika-Koparneset | 174 671 | 7,2 % |
Møre og Romsdal, alle fylkesvegsamband | 3 965 839 | 5,7 % |
Køyretøy over 6 meter, i 2023
Samband | Antal i 2023 | Endring frå 2022 |
Arasvika-Hennset | 5 727 | 9,3 % |
Aukra-Hollingsholmen | 33 182 | 5,2 % |
Brattvåg-Dryna | 5 008 | -7,6 % |
Edøya-Sandvika | 14 041 | 3,3 % |
Eidsdal-Linge | 36 140 | 12,5 % |
Festøya-Hundeidvika | 3 881 | -2,7 % |
Geiranger-Hellesylt | 563 | 127,9 % |
Hareid-Sulesund | 84 736 | 3,0 % |
Kvanne-Rykkjem | 21 046 | -5,3 % |
Larsnes-Åram-Voksa-Kvamsøya | 6 740 | 1,0 % |
Molde-Sekken | 1 243 | 52,3 % |
Seivika-Tømmervåg | 27 530 | 8,4 % |
Småge-Orta-Finnøya-Sandøya-Ona | 1 988 | 26,9 % |
Solholmen-Mordalsvågen | 11 876 | 11,6 % |
Standal-Trandal-Sæbø-Skår-Valderøya-Store Kalvøy | 762 | -2,6 % |
Stranda-Liabygda | 34 507 | 6,6 % |
Sykkylven-Magerholm | 69 381 | -3,9 % |
Sæbø-Leknes | 3 270 | -3,9 % |
Volda-Lauvstad | 7 671 | -1,1 % |
Åfarnes-Sølsnes | 83 910 | -2,0 % |
Årvika-Koparneset | 20 291 | 10,7 % |
Møre og Romsdal, alle fylkesvegsamband | 473 493 | 2,4 % |
Attståande køyretøy i 2023
Samband | Antal | Attståande av total antal køyretøy |
Arasvika-Hennset | 109 | 0,23 % |
Aukra-Hollingsholmen | 117 | 0,03 % |
Brattvåg-Dryna | 148 | 0,27 % |
Edøya-Sandvika | 274 | 0,20 % |
Eidsdal-Linge | 18 143 | 7,35 % |
Festøya-Hundeidvika | 56 | 0,18 % |
Geiranger-Hellesylt | 117 | 1,98 % |
Hareid-Sulesund | 3 032 | 0,38 % |
Kvanne-Rykkjem | 596 | 0,35 % |
Larsnes-Åram-Voksa-Kvamsøya | 625 | 0,80 % |
Molde-Sekken | 23 | 0,09 % |
Seivika-Tømmervåg | 303 | 0,11 % |
Småge-Orta-Finnøya-Sandøya-Ona | 318 | 1,35 % |
Solholmen-Mordalsvågen | 244 | 0,12 % |
Standal-Trandal-Sæbø-Skår-Valderøya-Store Kalvøy | 13 | 0,21 % |
Stranda-Liabygda | 833 | 0,39 % |
Sykkylven-Magerholm | 1 740 | 0,20 % |
Sæbø-Leknes | 175 | 0,39 % |
Volda-Lauvstad | 57 | 0,05 % |
Åfarnes-Sølsnes | 1 439 | 0,31 % |
Årvika-Koparneset | 1 090 | 0,56 % |
Møre og Romsdal, alle fylkesvegsamband | 29 452 | 0,66 % |