Midlane skal brukast til å nå regjeringa sitt mål om at alle husstandar og verksemder i Noreg skal ha tilgang på breiband med kapasitet på minst 100 Mbit/s innan utgangen av 2025.
I 2023 hadde 97,2 prosent av husstandane i Møre og Romsdal tilgang på breiband med kapasitet på 100 Mbit/s eller meir. Dette var heile 2,7 prosentpoeng meir enn året før, og 0,6 prosentpoeng over landssnittet.
No har kompetanse- og næringsutvalet einstemmig fordelt 20.856.587 kroner frå statsbudsjettet 2024, og 16.141.317 kroner, som er restmidlar frå tidlegare års statlege tildelingar. Dette er tilskot som er fordelt til kommunane tidlegare år, men som har blitt trekt tilbake fordi prosjekta ikkje har blitt gjennomført, eller har blitt rimelegare enn planlagt.
Frå 2024 er det ikkje lenger krav om medfinansiering frå kommunane, mens det for restmidlane er eit krav om 30 prosent kommunal eigenandel.
Desse områda er tildelt midlar til breibandsutbygging:
| Område | Kommune | 2024-midler, [kr] | Restmidlar, 70% av total-kostnad, [kr] | Kommunal andel (30%), [kr] |
|---|
| Horsgård | Molde | | 2.778.889 | 1.190.953 |
| Kleivosen | Molde | | 3.677.927 | 1.576.255 |
| Midøya | Molde | 2.250.000 | | |
| Otrøya | Molde | 3.981.587 | | |
| Skredestranda | Sande | | 1.715.000 | 735.000 |
| Steinnes | Ørsta | | 710.500 | 304.500 |
| Aksla | Ørsta | | 906.500 | 388.500 |
| Almvika | Tingvoll | 1.150.000 | | |
| Furunes-Hals | Tingvoll | 5.600.000 | | |
| Hafstad | Tingvoll | 3.900.000 | | |
| Nålsund | Tingvoll | | 1.925.000 | 825.000 |
| Røttingsnes-Nyheim | Tingvoll | | 770.000 | 330.000 |
| Saltgjelen-Magnillen | Tingvoll | 1.900.000 | | |
| Skjevlingneset | Tingvoll | | 700.000 | 300.000 |
| Vulvika-Kansdal | Tingvoll | | 931.000 | 399.000 |
| Bøverdalen | Surnadal | 1.400.000 | | |
| Snekvik-Hamnes-Årnes | Surnadal | 675.000 | | |
| Sagvegen | Aure | | 630.000 | 270.000 |
| Sandshamnvegen | Aure | | 1.281.000 | 549.000 |
| Hesteflotane | Volda | | 115.500 | 49.500 |
| Sum: | | 20.856.587 | 16.141.317 | 6.917.707 |
Møteinnkalling, saksframlegg og møteprotokoll frå kompetanse- og næringsutvalet måndag 11. november