Ein gjeng av flinke rådgivarar var samla i «kommandosentralen» og svarte på spørsmål frå elevar og foreldre under og etter informasjonsmøtet.
Møre og Romsdal fylkeskommune
Måndag 21. oktober inviterte fylkeskommunen som skoleeigar alle avgangselevar i ungdomsskolen og foreldre til webinar om vidaregåande opplæring.
Over 600 foreldre og elevar og til og med skoleklassar frå rundt om kring i fylket benka seg framfor skjermen for å få informasjon om skoletilbod og søking.
-Vi forstår at det kan vere vanskeleg å velje utdanningsprogrammet som kjennes rett for den enkelte eleven, men vi håper at møtet bidrag til å hjelpe ungdommane med valet. Vi håper også at foreldre fekk mykje nyttig informasjon som gjer det lettare å støtte ungdommen sin, seier Edny Sletten, som er rådgivar i Møre og Romsdal fylkeskommune.
Det var viktig for arrangørane var å få med seg mange foreldre og føresette.
- Vidaregåande skole har endra seg mykje sidan foreldra sjølve gjekk på skolen, og det ville vi vise dei. Dei treng oppdatert kunnskap for å rettleie ungdomane sine, seier Sletten.
Til webinaret var det blant anna laga filmar frå Volda vidaregåande skole og frå Romsdal vidaregåande, for å få fram kva som er studieførebuande opplæring og kva som er yrkesfagleg opplæring.
Webinaret gjekk frå seks til halv sju på kvelden, men eit stort team av rådgivarar satt og svarte på spørsmål til klokka åtte på kvelden.
I alt kom det inn over femti spørsmål , om alt frå korleis ein søker, til karrieremoglegheiter, om programtilboda.
Her er nokre av spørsmåla som blei stilt
Ja, etter man har tatt fagbrevet kan man ta påbygg til generell studiekompetanse.
Fram til du er 19 år kan du ta så mange omval du vil. Om du ikkje har gjort omval før du fyller 19 år, kan du ta eitt omval etter du har fylt 19 år.
Du søker til Møre og Romsdal. Alle landslinjene vil vere tilgjengeleg for søking på Vigo.no frå begynnelsen av januar.
Nei, det er ikkje nytt. Du bør søke på tre ulike utdanningsprogram, for retten din til vidaregåande opplæring er knytt til utdanningsprogram, ikkje til skole. Du har rett til å kome inn på eit av tre utdanningsprogram du har søkt på. Når du har valt utdanningsprogram vel du kva for ein skole du vil søke på. Om du ikkje greier å konkurrere deg inn med karakterane dine på dei skolane du har satt opp, kan du få tilbod på ein skole du ikkje har søkt på.
Ja, du har rett til vidaregåande opplæring fram til du har oppnådd studie- eller yrkeskompetanse og fram til det året du fyller 24 år. Etter du har fylt 24 år kan du ha rett til vidaregåande opplæring for vaksne.
Retten din til vidaregåande opplæring er i det fylket du er folkeregistrert, men du kan søke i heile landet. Er det ledige plassar på det du har søkt, kan du få tilbod i eit anna fylke om du kan dokumentere at du skal bu der. Landslinjer er opne for søkarar frå heile landet.
Om du kan dokumentere at du ikkje kan møte, feks på grunn av sjukdom, så mister du ikkje skoleplassen din.
Ja, du søker på privatskolar på Vigo. Om du berre søker på privatskolar kan du risikere å stå utan skoleplass til hausten fordi dei private skolane har eige inntak.
Her kan du lese meir om søking til vidaregåande skole.