Fylkeskommunedirektøren tilrår at samferdselsutvalet sluttar seg til at Møre og Romsdal fylkeskommune søker om tilskot gjennom den utvida statlege ordninga for reduserte prisar på periodebillettar.
Nedgang på 28 prosent
For ein vaksen som reiser i éi sone, blir prisen redusert frå 777 til 632 kroner. FRAM Ung blir redusert frå 418 til 273 kroner. Prisreduksjonen kjem i ei tid der mange opplever at kvardagen har blitt dyrare.
– Når mange opplever at kvardagen blir dyrare og har utgifter til både drivstoff og bompengar, er det positivt at vi kan sette ned billettprisane. Vi håper at endå fleire vel kollektivtransport», seier marknadssjef i FRAM Toril Karlsnes.
Fleire passasjerar med lågare prisar
Prisreduksjonen som blei innført i april, har blitt følgd av ein vekst på 15 prosent i salet av periodebillettar samanlikna med same tidspunkt i fjor.
Prisreduksjonen er truleg ein viktig del av forklaringa, men utviklinga heng også saman med vekst i FRAM Ekspress og auka kollektivtrafikk i Ålesundsområdet.
Bakgrunn for prisreduksjonen
Prisreduksjonen blir mogleg gjennom ei statleg tilskotsordning som skal gjere kollektivtransporten meir attraktiv og få fleire til å velje miljøvennlege reiser.
Tilskotsperioden varer frå 1. november 2026 til 30. april 2027. Kva billettane skal koste etter dette, vil mellom anna avhenge av om staten vidarefører ordninga.
Saksliste og saksframlegg for samferdselsutvalet torsdag 10. september