Søkarane må svare på tilbodet innan 13. juli.
Kristiansund vgs er ein av skolane som tilbyr elektro og datateknologi.
Erik Birkeland, TINGH
– Målet vårt er at alle søkarar med ungdomsrett skal ha ein skoleplass når skoleåret startar. Erfaring viser at mange som står på venteliste etter førsteinntaket, får tilbod ved andreinntaket. Derfor er det viktig å svare på skoletilbodet innan fristen, seier Maria Enstad, seksjonsleiar for inntak.
Etter førsteinntaket står 164 søkarar på alle trinn utan tilbod om skoleplass, dette er 33 færre enn i fjor. Av desse har 81 elevar søkt på vidaregåande opplæring vg1.
Andreinntaket blir gjennomført 27. juli, med svarfrist 30. juli.
På venteliste
Det er ventelister på fleire utdanningsprogrm på Vg1. Det gjeld mellom anna på Teknologi og industrifag, Elektro og datateknologi, Informasjonsteknologi og medieproduksjon, og naturbruk.
Rett til utdanningsprogram – ikkje til ein bestemt skole
Søkarar med ungdomsrett har rett til å få tilbod på eitt av utdanningsprogramma dei har søkt på, men dei har ikkje rett til eit tilbod ved ein bestemt skole.
På vg1 har søkarane rett til plass på eitt av dei tre utdanningsprogramma dei har søkt. Etter vg1 og vg2 har dei rett til tilbod som dei er kvalifisert for.
Også i år er søkarar til Vg1, Vg2 og Vg3 vidaresøkt i førsteinntaket. Det betyr at dei har fått plass på eit av programprogramma dei har søkt, men ikkje nødvendigvis til skolen dei ønsker.
Kva er ungdomsrett?
Ungdom som har fullført grunnskole eller tilsvarande opplæring, har rett til vidaregåande opplæring fram til dei har oppnådd studie- eller yrkeskompetanse.
Retten gjeld ut det skoleåret som startar det året dei fyller 24 år.
Søkarstatistikk
På mrfylke.no finn du statistikk for søkartala. Her ligg tala for søking til ulike studieretningar, fordelt på kjønn, kommune, skolar og så vidare. Tala baserer seg på grunnlag etter søknadsfristen 2. mars, så det kan vere avvik.
Søkarstatistikk for vidargåande skolar i Møre og Romsdal 2026-27