Ungdommens fylkesråd har fordelt ungdomsmidlane.
Jan Ragnvald Eide
Kvar haust og vår deler Ungdommens fylkesråd ut ‘ungdomsmidlar’ til aktivitetar og utstyr i fylket. I denne runder kom det totalt kom inn 27 søknader, og nyleg fordelte rådet 125. 000 kr til åtte tiltak.
Leiar i ungdomsrådet, Iver Aarebrot (Haram), seier at tiltaka som får støtte skal samle ungdom og vere ope for flest mogleg, og at dei prioriterer aktivitetar skapt av ungdom.
- Det å kunne tildele midlar til tiltak som er positive for ungdom i heile fylket er veldig givande, seier han.
Desse fekk støtte:
| Tiltak | Søkar | Kommune | Tildeling |
|---|
| Skli- og fallsikring av stupetårn | Nedre Sætre Velforeining | Sykkylven | kr 13.300 |
| Miljøskapande arbeid etter skulesamanslåing | Elevrådet ved Herøy ungdomsskule | Herøy | kr 15.000 |
| Lågterskel innebandy-cup for 9. trinnet på Søre Sunnmøre | Hødd Innebandy | Ulstein | kr 15.000 |
| Ungdomskveldar for unge som køyrer moped/lett mc/mellomtung mc | Moonshine MC Romsdal | Rauma | kr 13.000 |
| Utstyr til Ungdomsetasjen | Surnadal Ungdomsklubb | Surnadal | kr 20.000 |
| Mestring- og ferdigheitsveke for ungdom | Trevl | Ålesund | kr 15.000 |
| Mobilt aktivitetssett for kreative møteplasser og hangouts | Ungdomsrådet Rauma | Rauma | kr 18.700 |
| Ungdomskonsert på Rokken | Volda Ungdomsråd | Volda | kr 15.000 |
| Sum: | | | kr 125.000 |
Neste søknadsfrist er 1. april i 2026. Ungdom kan søke om støtte til både til utstyr og til aktivitetar for ungdom.
Ungdommens fylkesråd skal vere eit rådgivande organ for fylkeskommune i alle saker som gjeld ungdom, og dei kan sjølv ta opp saker dei ønsker fremme for administrasjonen eller politiske organ i fylkeskommunen. Rådet har 9 medlemmar og 4 varamedlemmar.
Gjennom Ungdommens fylkesråd skal ungdom i Møre og Romsdal ha reell medverknad, påverke politiske saker i fylkeskommunen, auke ungdommar sitt samfunnsengasjement og bidra til opplæring og erfaring i demokratiske prosessar.