Søknadsfristen var 15. april.
– På nokre studiar har vi ventelister, og på andre er det ledige plassar. Fagskolen opplever svært god søking til utdanningane på prosessteknikk heiltid og deltid i Kristiansund og maritim utdanning i Ålesund, seier Hanken.
Tal for heile landet viser at det i år er 15.742 søkarar til høgare yrkesfagleg utdanning gjennom Samordna opptak. Det er 17 prosent fleire søkjarar i år enn i fjor, med ein oppgang på 2.300 søkjarar, ifølge ei pressemelding frå Kunnskapsdepartementet.
Direktorat for høgare utdanning og kompetanse er nøgd med søkartala til fagskolane:
– Årets søkartal er gode. Tala gir oss verdifull innsikt i søkarane sine interesser og ønske. Vi ser også at institusjonane vidareutviklar utdanningstilboda sine. Dei tilbyr både nye fagkombinasjonar og fleire fleksible studium, og begge delar tiltrekker mange søkarar, seier direktør i Direktorat for høgare utdanning og kompetanse, Sveinung Skule.
Les meir om søkartala på Samordna opptak sine nettsider.