Midlane går til Ålesund teaterfestival, Høstscena, som skal leie prosjektet i samarbeid med fleire regionale aktørar.
Vedtaket var einstemmig. Tilskotet blir fordelt med 500.000 kroner årleg over tre år, og er ei omfordeling av tilbaketrekte midlar under posten «Fylkeskommunale verkemidlar».
Skal styrke scenekunst og samarbeid
Festspela på Sunnmøre er eit nytt initiativ som skal fungere som ein «festivalspydspiss» i regionen. Målet er å styrke det regionale scenekunstfeltet, utvikle nye produksjonar og etablere eit tverrfagleg samarbeid mellom kulturaktørar som Fjord Cadenza, Høstscena, Viti, Parken kulturhus, og Visit Ålesund og Sunnmøre.
Prosjektet skal utvikle ein modell for samarbeid som skal sikre betre infrastruktur, kommunikasjon og formidling innan kunst og kultur. Det er særleg søkelys på å styrke profesjonell scenekunst i regionen og å skape eit program med nasjonal og internasjonal appell.
I tråd med fylkesstrategien
Prosjektet er i tråd med både fylkesplanen og fylkesstrategien for kultur. Det blir sett på som eit god initiativ for å vidareutvikle den profesjonelle kunstformidlinga. Prosjektet skal også bidra til å gjere Møre og Romsdal meir attraktivt som bu- og besøksstad.
Tilskotet skal i hovudsak gå til prosjektleiing, og Høstscena og Fjord Cadenza vil bidra med eigne midlar. Det er også planlagt å søke ytterlegare finansiering frå andre aktørar.
Møteinnkalling, saksliste, saksframlegg og møteprotokoll for kultur- og folkehelseutvalet 15.-16. september