Den nye Nerlandsøybrua blir offisielt opna 14. oktober.
Rune Skoglie
Kvalsvik–Nerlandsøy skulekorps opnar programmet med marsjmusikk klokka 17.00. Deretter ønsker prosjektleiar i Møre og Romsdal fylkeskommune, Ragnhild Holen Relling, velkomen til opninga.
- Det har vore svært spanande, kjekt og utfordrande å jobbe med dette prosjekt, og no er vi i mål, seier Relling.
- Vi gler oss til å markere offisiell opning med alle som bur på Nerlandsøya, og som får ein lettare kvardag med ny bru.
Etter velkomstord og festtalar blir det snorklipping ved fylkesordførar Anders Riise. Han får hjelp frå Felicija Ada Darwins og Sigrid Remøy Sandstrôm frå Nerlandsøy skule til å halde snora – og markerer dermed den historiske hendinga at brua offisielt er opna.
Etter snorklippinga marsjerer korpset til toppen av brua og tilbake. Alle som vil, kan bli med og gå i toget over den nye brua.
Markeringa blir avslutta med kaker, kaffi og brus, servert av gode hjelparar frå Nerlandsøy grendalag.
NB! Av omsyn til trafikktryggleik rundt opningsmarkering blir ikkje brua opna for trafikk før kvelden 14. oktober. Trafikk vil gå via gamal bru til arrangementet er avslutta.
Program:
Tysdag 14. oktober, kl. 17.00 på Kvalsundsida
Det blir snorklipping, talar og musikalske innslag. Servering av kake, kaffi og brus.