Kursar politikarar gjennom film

Fylkeskommunen og Statsforvaltaren deler kunnskap, for at kommunane skal kunne ta strategiske og kloke val.

Skjermdump frå videoen med fylkeskommunedirektør Toril Hovednak skjermdump frå tatsforvalteren.no/nb/More-og-Romsdal

I ein serie korte filmar får kommunane digitalt opplæringsmateriell. Filmane er laga av Statsforvaltaren i Møre og Romsdal og Møre og Romsdal fylkeskommune.

– Vi har laga ei heil rekke korte filmar som gir grunnleggande kunnskap om sentrale tema i kommunane si planlegging, seier statsforvaltar Else-May Norderhus og fylkesordførar Anders Riise.

Plan, berekraft, økonomi og forvaltningsrett

Filmane handlar om sentrale sosiale tema som korleis kommunane famnar dei eldre, barn og unge, dei som ikkje har bustad, dei som har eit handikap og dei som fell utanfor. Andre filmar handlar om korleis vi brukar areala våre: strandsona, dyrka mark og natur. Klima er tematisert gjennom klimabudsjett og gjennom korleis kommunane tilpassar seg til eit klima som er endra og som gir meir av flaum og ras.

Filmane gir også kunnskap om kommuneøkonomi, om habilitet og lovlege vedtak.

Distriktssenteret har også vere med og samarbeidd om deler av informasjonspakka.

– Vi ønsker kommunane lykke til i planlegginga, og håper filmane kjem til nytte, avsluttar statsforvaltaren og fylkesordføraren.

Filmane kan du ved å bla deg nedover sida.