Kristiansund-ordførar Kjell Neergaard opna ladestasjonen.
NEAS
Ladestasjonen ligg i Pilotveien ved Kristiansund Næringspark. Han gir transportnæringa tilgang til hurtiglading for elektriske lastebilar og varebilar, og markerer starten på eit større energiknutepunkt.
Kristiansund Energihub er eit samarbeid mellom NEAS, FG Eiendom, ReMidt og Kristiansund kommune. Målet er å samle energitypar som straum, hydrogen og biogass på eitt område for å lette overgangen til utsleppsfrie transportløysingar.
Ladeanlegget har 2 MW effekt og fire hurtigladarar på opptil 800 kW. Det er dimensjonert for vekst i elektrisk tungtransport.
I 2022 gav fylkeskommunen 275.000 kroner i tilskot gjennom Skaparkraft – fornybar energi. Midlane gjekk til å greie ut og utvikle grunnlaget for energistasjonen i Pilotveien.