Lepsøybrua har ei seglingshøgde på 41 meter og går mellom fastlandet og Lepsøya i Haram kommune.
Magnar Fjørtoft
Brua er ein del av Nordøyveg-prosjektet der Møre om Romsdal fylkeskommune var byggherre og Skanska Norge AS var hovudentreprenør. Norconsult AS har prosjektert brua.
Lepsøybrua går mellom fastlandet og Lepsøya i Haram kommune og blei opna 18 desember 2021. Brua er 800 meter lang og har ei seglingshøgde på 41 meter, og er den stålbrua i Noreg med lengst hovudspenn.
Byggeleiar for Lepsøybrua i Nordøyveg-prosjektet, var Ragnhild Holen Relling (lengst til høgre i bilde), som i dag er prosjektleiar fylkeskommunen si bygging av den nye Nerlandsøybrua i Herøy. I midten står tidlegare prosjektsjef i fylkesvegavdelinga, Marianne Nærø. Lengst til venstre er Carola Dybvik som er byggeleiar for Nerlandsøybru-prosjektet.
Anne Marit Øksenvåg Johansen
Prisen blir delt ut kvart fjerde år, til framifrå bidrag innan bruteknikk, med særleg vekt på deira nytteverdi for dei nordiske landa. Den blir delt ut av Nordisk vejforum (NVF) og forumets tekniske komité for bruer.
– Vi er stolte over å ha blitt nominert til denne prisen. Saman med erfarne entreprenørar og prosjekterande har vi hatt svært kompetente fagfolk både i planleggingsfasen og byggefasen, seier Torbjørn Vatnehol, prosjektsjef i Møre og Romsdal fylkeskommune.
Vinnaren av Nordic Bridge Prize 2024 vert avslørt i København under konferansen Via Nordica 2024.
Prisen blir tildelt ei ny bru eller eit brurenoveringsprosjekt som er ferdigstilt, som ligg i Norden, og ikkje er meir enn åtte år gamalt. Nominerte prosjekt skal ha noko spesielt ved seg, vere innovativt, kreativt eller på anna vis gi betydelege brutekniske bidrag eller positiv påverknad for område der den er plassert.