Romsdalsmuseet er blant dei som er løyvd driftstilskot.
Marit Holen/Møre og Romsdal fylkeskommune
Vedtaket i utvalet var einstemmig.
Den regionale finansieringa av kulturinstitusjonane har som mål å medverke til god tilgang til kulturopplevingar av høg kvalitet uavhengig av kor du bur i fylket. Driftstilskota til regionale kulturinstitusjonar bidreg til å sikre føreseielege rammer til verksemder som har langsiktige mål, held høgt kunst- og kulturfagleg kvalitet og er viktige profesjonelle aktørar i regionen.
For 2025 blir alle tilskot vidareført på same nivå som i 2024, og med ei prisjustering på 4,1 prosent. Prisjusteringa svarar til den generelle prisjustering på tilskotsramma som er 4,1 prosent.
For Operaen i Kristiansund, Teateret Vårt og Skjergardstenesta, ligg statens prisjustering til grunn for forslag til driftstilskot, grunna klart definerte fordelingsnøklar. I tillegg er det ekstra tildelingar til alle tre regionmusea frå stat og kommune som fylkeskommunen følger opp.
Her er fordelinga av midlar:
| Mottakar | Driftstilskot for 2025 | Endring i prosent frå 2024 |
|---|
| Operaen i Kristiansund | 6 158 000 | 34,0 |
| Teatret vårt | 8 183 000 | 7,1 |
| Skjergardstenesta v/Sunnmøre Friluftsråd | 825 000 | 7,6 |
| IKA Møre og Romsdal | 3 749 788 | 4,1 |
| Moldejazz | 3 230 865 | 4,1 |
| Møre og Romsdal kunstsenter | 2 370 127 | 4,1 |
| Stiftelsen Atlanterhavsparken | 4 963 619 | 4,1 |
| Nordmørsmusea AS | 8 388 581 | 13,0 |
| Stiftelsen Romsdalsmuseet | 7 740 042 | 16,1 |
| Stiftinga Geirangerfjorden Verdsarv | 2 267 472 | 4,1 |
| Stiftinga Viti | 12 718 400 | 8,4 |
| VOFO – drift | 383 552 | 4,1 |
| VOFO – rammetilskot studieorganisasjonar | 997 236 | 4,1 |
| Nynorsk kultursentrum | 637 665 | 4,1 |
| Totalt | 62 613 349 | |