Fylkeskommunen har eit særskilt ansvar for trafikktryggingsarbeidet i fylket ved å tilrå og samordne tiltak i fylket. Dette samordningsansvaret er organisert gjennom TS-forum, med deltakarar frå politiet, Statens vegvesen, Trygg Trafikk, Utrykkingspolitiet (UP), Norsk Trafikkskoleforbund og Møre og Romsdal fylkeskommune.
Bilete er frå sykkelopplæring gjennom samarbeidsprosjektet Trygg Sykkel, ved Sellanrå skole i Molde.Dei prioriteringane som blir gjort, er forankra i nasjonale og regionale planar – som understøttar nullvisjon som seier at ingen skal bli drepne eller hardt skada i trafikken. I Samferdselsutvalet 5 februar vart det løyva midlar til dette viktige arbeidet.
Den største delen av midlane på 2 070 000 kroner går til tiltak gjennom Trygg Trafikk.
Tiltaka
1,87 millionar kroner går til haldningsskapande arbeid i regi av Trygg Trafikk innan desse områda:
Trafikktrygging for barn og ungdom
- Sikring av barn i bil – vidareføring av tidlegare tiltak
- Kurs for barnehagetilsette – nye kursmodular blir vidareført i 2025
- Trafikktrygging i fotball og handballmiljø
- Trafikktrygging i ungdomsskule – valfag trafikk
- Trafikktrygging på sosiale medium, kommunikasjon om ruskøyring på festivalar m.m – ungdom – unge vaksne – vaksne
- Barnas trafikklubb – sykkeldyktig – undervegs – vegval
Ansvarlege og kompetente trafikantar
- Synlegheit i trafikken – refleks, refleksteljingar, informasjon og sosiale medium. Sykkeldyktig
- Køyr rusfritt kampanje i samarbeid med musikkfestivalane
Trafikktrygging som samfunnsansvar
- Trafikktrygg kommune/trafikktrygg fylkeskommune
- Betre trafikktrygging og trafikktrygg åtferd – delta på introduksjonskurs for flyktningar
Resterande midlar fordeler seg med 150 000 kroner går til refleksvestutdeling til 1. og 5. klasse i Møre og Romsdal, og 50 000 kroner til tiltak i regi av Norsk Motorcykkel Union (NMCU), avdeling Møre og Romsdal .
Auka fokus på motorsyklistar
I 2023 omkom 20 motorsyklistar og 142 personar blei hardt skadde på landsbasis. I Møre og Romsdal omkom ein person og 11 blei hardt skada.
På bakgrunn av dette ønsker fylkeskommunedirektøren i 2025 å støtte NMCU Møre og Romsdal med midlar til førebyggande og haldningsskapande tiltak retta mot MC-førarar frå 16 år og eldre. Føremålet er at det skal bli betre og meir observante motorsyklistar gjennom desse tiltaka:
- Kurs retta mot ungdom og eldre motorsyklistar
- Førstehjelpskurs med teori og praktiske øvingar
- Informasjonsmateriell
- Haldningsskapande kurs til alle NMCU sine medlemmar
- Sjå oss! aksjon