Korsegata er igjen opna for trafikk.
Else Britt Ervik
Korsegata har vore stengt sidan juni, og no fått på plass gode fortau, brustein, sykkelstativ og nye tre. På opninga passa Torbjørn Vatnehol på å takke entreprenøren for bra arbeid, og for å ha gjennomført dette viktige delmålet i prosjektet til avtalt tid. Han er prosjektsjef i Møre og Romsdal fylkeskommune.
- Heile kollektivknutepunktet blir ferdig i oktober, og Aco anlegg har god framdrift og sørger for tett dialog med naboar til prosjektet, saman med oss, sa Vatnehol.
Gode tilbakemeldingar for Korsegata
Erlend Aune er prosjektleiar for kollektivknutepunktet, og oppfordra folk til å sjå rundt seg og sette pris på kor fin gata var blitt.
- Vi er glade for dei gode tilbakemeldingane vi har fått for Korsegata, og fortset arbeidet innover i Keiser Wilhelms gate, sa han.
Siste fase i arbeidet
Arbeidet med kollektivknutepunktet i Ålesund sentrum er inndelt i fasar slik at det ikkje er byggearbeid i alle områda samtidig. Opninga av Korsegata og Posthuskrysset markerte fullført fase to, og prosjektet er no inne i tredje og siste fase av byggeperioden i sentrumsgatene.
Det blei kake til alle forbipasserande når opninga av gata blei markert.
Sunniva Ullavik Erstad
Opninga blei markert saman med entreprenøren Aco Anlegg
Sunniva Ullavik Erstad