Tor Erik Kirkeland, kontraktsansvarleg i FRAM, Ole Haugen, adm.dir. i Vy, Heidi Renolen, regiondirektør i Vy, Jesper Wiig, samferdselsdirektør i Møre og Romsdal fylkeskommune, Hallstein Lillevik i Vy og Stig Helle-Tautra, avdelingsleiar i FRAM.
Jan Ragnvald Eide
Markeringa starta med prøvetur, kor ein fekk prøvesitje dei nye bussane. På Skateflukaia ønskte samferdselsdirektør i Møre og Romsdal fylkeskommune, Jesper Wiig, velkommen, deretter gjekk ordet til Stig Helle-Tautra, avdelingssjef i FRAM. Dei understreka den viktige satsinga for miljøet, med lågare utslepp og betre komfort for reisande.
- Bussane gir både miljøgevinst og betre reiseoppleving, samtidig som vi stiller tydelege krav til kvalitet og drift, sa Helle-Tautra.
Hans Olav Myklebust, leiar i samferdselsutvalet Møre og Romsdal fylkeskommune, fortalde at det no er gjort ei viktig investering for kollektivtrafikken med nye elektriske bussar.
- Vi skal også oppretthalde rutetilbodet, så det er all grunn til å la bilen stå og bruke bussen meir, oppfordra Myklebust.
Ole Engebret Haugen i Vy Buss AS trakk fram auka tryggleik for sjåførar.
- Bussen er ein arbeidsplass, og det er svært viktig at også sjåførane har god komfort og tryggleik, sa Haugen.
Open buss og kake
Etter talane blei det kake og kaffe i minusgrader, og bussen stod open for alle som ville teste fasilitetane. Dei nye elbussane blei tatt i bruk 1. januar, og køyrer både på lokale ruter på Sunnmøre og på ekspressrutene med FRAM Ekspress. Den køyrer strekninga Volda–Ålesund–Molde–Kristiansund.
Betre for miljø og reisande
Med over 100 nye elektriske bussar på vegane blir det mindre støy, lågare utslepp og ei meir behageleg reise.
Sjekk rutetider og haldeplassar i reiseplanleggaren på frammr.no eller i FRAM-appen.