Ulstein gamle kyrkjestad.
Aaron Johnston
Tysdag og onsdag 2.–3. juni blir det arrangert ruinseminar om steinkyrkjene på Søre Sunnmøre. Programmet omfattar omvisingar i Ulstein og Herøy tysdag, og foredrag på Runde Miljøsenter onsdag. Onsdag er arrangementet ope for publikum, sjå program på mrfylke.no.
– Overordna handlar dette om to mellomalderruinar på to sentrale stader på Søre Sunnmøre, seier Arve Eiken Nytun, arkeolog i Møre og Romsdal fylkeskommune.
I Ulstein er det mellom anna funne forhistoriske gravminne utanfor kyrkjegardsmuren, medan Herøy kyrkjeplass og Herøy gard peikar seg ut som eit viktig makt- og kyrkjesenter i mellomalderen. Her vart det bygd steinkyrkje i ei tid då dei fleste kyrkjer elles var stavkyrkjer.
Seminaret tar opp sentrale spørsmål om kvifor ein valde stein framfor tre, kva ressursar som låg bak kyrkjebygginga, og kvar marmoren i kyrkjene kjem frå. Gjennom både omvisingar og foredrag blir ruinane sette inn i ein større historisk samanheng, der kyrkjestadene blir forstått som knutepunkt i landskap, makt og sjøvegar.
Herøy gard.
Aaron Johnston