Frå venstre: Anne Bondal- prosjektleder Molde kommune Trygve Grydeland - ordfører Molde kommune Hege Gagnat - varaordfører Molde kommune Per Gjerde - regionleder - Trygg Trafikk Marianne Stokkereit Aasen - kommunedirektør Molde kommune Espen Marstein Aarnes- spesialrådgivar i Trygg Trafikk Mette Jane Holand - innovasjons og endringsguide Molde kommune
Henny Totlandsdal
Overrekkinga fann stad i InnbyggerLaben i Molde 17. juni, og det er Trygg Trafikk som står for denne.
Eit godt døme på samarbeid
Møre og Romsdal fylkeskommune bidreg med midlar i prosjekta til Trygg Trafikk. Rådgivar Henny Totlandsdal fortalde at Molde si godkjenning som Trafikksikker kommune er eit viktig steg i fylkeskommunen sitt arbeid for å redusere trafikkulykker. Sykkylven fekk same utmerking i 2024.
- Vi ser på dette som eit døme på godt samarbeid mellom kommune og fylkeskommune, og oppmodar fleire til å følge etter, seier ho.
Systematisk og heilskapleg satsing
Trafikksikker kommune-ordninga, eit samarbeid mellom Trygg Trafikk og fylkeskommunane, krev at alle sektorar i kommunen har etablerte system, rutinar og dokumentasjon for arbeid med trafikktryggleik. Det gir eit tydeleg kvalitetsstempel på målretta innsats, sjølv om det ikkje gir garanti mot ulykker.
Regionleiar i Trygg Trafikk, Per Gjerde, roste Molde spesielt for arbeidet med sykkelopplæring i barneskular. Gjennom TryggSykkel og aktivt arbeid med informasjon i barnehagar, skular og blant eigne tilsette har Molde sett trafikktryggleik på agendaen.
- Molde si godkjenning viser krafta i struktur og samarbeid. Dette trur vi fleire kommunar kan få til, og saman bygger vi eit tryggare fylke, avslutta Totlandsdal.