Møre og Romsdal fylkeskommune gir 100 000 kr til tv-aksjonenTv-aksjonen i år går til Barnekreftforeininga sitt arbeid med å hjelpe barn som er ramma av kreft og andre alvorlege sjukdommar.Det var eit einstemmig fylkesutval som vedtok fylkeskommunedirektøren si innstilling om støtta i møtet måndag 24. juni. Beløpet som blir gitt er på 100 000 kroner. Fylkeskommunen sitt bidrag til innsamlingsaksjonen har kvart år vore gitt som ei støtte til drift og gjennomføring av TV-aksjonen.Midlane i årets tv-aksjon skal gå til å etablere familiehus ved universitetssjukehusa i Tromsø, Bergen, Trondheim og Oslo. Aksjonsdagen er 20. oktober og du kan lese meir om den på tv-aksjonen si heimeside.Kontaktperson:Anders Riise, fylkesordførar, telefon 99 50 93 55