Frå «Bli med hit!» måndag 26. oktober i år i Trondheim.
Kristin Vestly
Kompetanse- og næringsutvalet vedtok måndag å løyve pengane til det tredje året av samarbeidet om omdømme og rekruttering. Vedtaket var einstemmig.
2 mill. kroner til kvar
Næringsforeninga Ålesundsregionen, Molde Næringsforum og Kristiansund og Nordmøre Næringsforening får 2 mill. kroner kvar frå Tiltaksfondet.
Tilskotet kan dekke inntil 50 prosent av kostnadene og føreset fullfinansiering. Næringsforeiningane må derfor bidra med minst like mykje.
Dei tre næringsforeiningane har samarbeidd om satsinga i to år. Målet er å gjere regionane meir attraktive og få fleire til å velje Møre og Romsdal som stad å studere, jobbe og bu.
Utvikle «Bli med hit!»
I neste fase skal dei mellom anna utvikle «Bli med hit!» frå ein messeaktivitet til ei digital heilårssatsing for fylket. Dei skal også kartlegge kompetansebehovet i næringslivet.
Fylkeskommunen skal følge prosjektet gjennom årlege statusmøte og samarbeide om kartlegginga av kompetansebehov.
Bakgrunnen er mangel på arbeidskraft og den demografiske utviklinga i fylket. Saksframlegget viser at bedriftene i Møre og Romsdal manglar 1 800 medarbeidarar.
Saksliste, saksframlegg og møteprotokoll for kompetanse- og næringsutvalet 9. november