Samferdselsutvalet på befaring på Hamnsund i mai 2026
Else Britt Ervik
Den nye kontrakten sikrar vidare drift av eit viktig samband for pendlarar og fastbuande, og knyt saman fleire lokalsamfunn.
Cruise Service AS tek over etter dagens operatør. Fartøyet som skal nyttast, har kapasitet på 130 passasjerar.
- Hurtigbåtruta mellom Ålesund, Valderøy, Store Kalvøy og Hamnsund er eit viktig samband for både kvardagsreiser og arbeidsreiser. Det har vore god konkurranse om oppdraget, og med denne avtalen vil vi sikre eit stabilt og brukarvennleg tilbod, seier Stig Helle‑Tautra, avdelingsleiar i FRAM.
Karensperioden for tildelinga varar fram til og med 25. juni. FRAM legg opp til å signere kontrakt etter at karensperioden er over.