Ny landgang for hurtigbåten i Kristiansund.
Gøran Ebbesen Krokdal
Hurtigbåten går mellom Kristiansund og Trondheim, og legg til på ein flåte ved den nedlagde ferjekaia i sentrum av byen.
- Som eit ekstra tiltak for tryggleiken lagar vi no ein landgang for passasjerane over ferjekaia og ut til flåten, seier Oskar Einarsson, byggeleiar i Møre og Romsdal fylkeskommune.
- Flåten inneheld venterom, og ein går om bord i hurtigbåten herifrå.
Arbeidet vil ikkje påvirke rutetidene til hurtigbåten, og ny landgang er venta å stå ferdig i løpet av denne veka.
Ny landgang gir betre tryggleik over den nedlagde ferjekaia.
Gøran Ebbesen Krokdal