Internship-kullet 2023/24 under oppstarten 18. september
Roland Mauseth
Internship-programmet er eit samarbeid mellom Møre og Romsdal fylkeskommune, Kristiansund kommune og United Cities AS, som jobbar for å auke kapasiteten og kompetansen på berekraftig utvikling. Programmet rekrutterer unge nyutdanna frå heile verda, og programmets andre kull består av ti kandidatar frå åtte ulike land med bakgrunn innan ei rekke ulike fagretningar relatert til berekraftig utvikling.
Programmets andre kull er no i gang med ei tre vekers introduksjonsmodul kor dei mellom anna vil få ei innføring i sentrale metodar, norsk samfunn og arbeidsliv, berekraftsarbeid i Møre og Romsdal, og prosjektleiing. Etter introduksjonsmodulen vil dei jobbe på ulike berekraftsprosjekt i offentleg og privat sektor, som er basert lokalt, regionalt og internasjonalt. Dei vil også gjennom opphaldet delta på jamlege seminar og workshops kor dei vil lære om metodikken, teknologien og verktøya som skal gjere dei i stand til å jobbe med eit mangfald av interessentar og bli effektive «changemakers» for berekraftig utvikling.