Fylkesordførar Anders Riise.
Magnar Fjørtoft
Heile Mørebenken deltar, alle ordførarar i fylket har varsla at dei kjem, fylkesutvalet er på plass og både dei politiske og administrative leiarane av dei interkommunale råda i fylket er med.
På agendaen har fylkesordføraren to punkt til diskusjon: Kraftutfordringane i Møre og Romsdal. Og dei skjerpa krava til nullutslepp for ferje, og finansieringsløysinga.
– Dette er blant dei største utfordringane vi opplever, og dei vil ha innverknad på oss alle i Møre og Romsdal i åra framover, seier fylkesordførar Anders Riise.
Møtet blir halde torsdag formiddag, i forkant av Nyttårskonferansen.
– Det er utruleg bra at vi har klart å samle alle toppane i politikken i Møre og Romsdal til eit møte som dette. Vi er inne i ei krevjande tid, og då er samarbeid heilt avgjerande for å løyse dei utfordringane som både kommunane og fylket står midt oppi. Og nettopp samarbeid står i sentrum for Nyttårskonferansen, og har gjort det sidan starten i 2019, seier fylkesordføraren.