Regionale kulturinstitusjonar får 1,875 mill. kroner i tilskot
Dei profesjonell kulturinstitusjonane Operaen i Kristiansund, Romsdalsmuseet, Teatret Vårt og Viti er løyvd til saman 1.875.000 kroner i eingongstilskot.
Publisert 17.11.2023 12.14
Sist endra 02.07.2024 10.47
Festiviteten i Kristiansund. Foto: Ingvild Dverseth Sæter, Møre og Romsdal fylkeskommune
Ingvild Dverseth Sæter
Vedtaket i kultur- og folkehelseutvalet var einstemmig.
Dei som får tilskota, er fire av dei profesjonelle kulturinstitusjonane namngitt i statsbudsjettet, som det er knytt ein tredelt finansieringsnøkkel til:
- Operaen i Kristiansund AS får 500.000 kroner i eingongstilskot til nyproduksjon av Nøtteknekkaren og markering av Bræins 100-års jubileum.
- Stiftinga Romsdalsmuseet får 750.000 kroner i eingongstilskot til overtaking av Kavli Moen gard.
- Regionteateret i Møre og Romsdal (Teatret Vårt) får 325.000 kroner i eingongstilskot til TeaterNå.
- Stiftinga Viti får 300.000 kroner i eingongstilskot til forvalting av kulturmiljø i Borgundgavlen og Brudavolltunet.