Henrik Ibsen.
Gustav Borgen/Nasjonalbiblioteket
I 2028 er det 200 år sidan Henrik Ibsen vart fødd. Målet er ei brei og mangfaldig markering av forfattarskapen, og fylkeskommunen ønskjer å samle samarbeidspartnarar til idéutvikling og samarbeid.
Satsinga byggjer mellom anna på Ibsen si reise til Møre og Romsdal sommaren 1862. Han fekk stipend til å samle inn folkeviser og folkesongar langs kysten, og reisa skal ha inspirert delar av det seinare forfattarskapen.
Avspark i byane
For å starte arbeidet inviterer fylkeskommunen til tre avsparksmøte
- 29. september 2026 i Molde 12-16
- 30. september 2026 i Kristiansund 12-16
- 1. oktober 2026 i Ålesund 12-16
Samlingane byr på innslag med Geir Hjorthol som fortel om Solstad og Ibsen, foredrag ved Anette Storli Andersen, ph.d. i teatervitskap og Ibsen-studiar, og ein idéverkstad der deltakarane utforskar moglege prosjekt og samarbeid knytte til jubileet.
Oppmoding: Del invitasjonen
Målgruppa er alle aktørar i Møre og Romsdal som vil bidra til markeringa av Ibsen-jubileet. Arrangøren oppmodar deltakarane til å dele invitasjonen i eigne nettverk for å nå aktuelle samarbeidspartnarar.
Arbeidet med jubileet held fram etter samlingane. Camilla Wiik i kulturavdelinga er prosjektleiar for den vidare satsinga.
Påmelding