Finn ut meir om kva kulturarrangement du du kan søke om støtte på tilskotswebinar.
Magnar Fjørtfoft
Kulturaktørar i heile fylket er invitert til årets tilskotswebinar, som finn stad på Teams. Webinaret er gratis og ope for alle som ønsker å vite meir om tilskotsordningar innan kunst, kultur, idrett, friluftsliv og frivilligheit.
Femte år på rad
Kvart år får konsertar, førestillingar, friluftslivstiltak og idrettsarrangement støtte frå fylkeskommunen. I haust er det fleire nye ordningar på planen, blant anna regionale kulturfond og ABC for god psykisk helse.
– Målet med webinaret er å gjere det enklare å finne fram til relevante støtteordningar og å gi gode råd om søknadsprosessen, seier Sunniva Nerbøvik Løkhaug, rådgivar og tilskotskoordinator i kulturavdelinga i fylkeskommunen.
Det er femte året på rad at kulturavdelinga inviterer til eit webinar med tilskot som hovudtema, og det har vore god oppslutning rundt hendinga dei tidlegare åra. I fjor var det over 90 påmeldte til webinaret.
Praktisk innsikt og nyttige tips
I år vil deltakarane blant anna få betre innblikk i fleire av portalane, både for dei fylkeskommunale ordningane og Digisak, kor søkarar kan søke om tilskot- og dispensasjonssaker innafor kulturminneforvaltninga. I tillegg har vi samla saksbehandlarane sine beste tips til korleis du som søkar kan lage ein god søknad.
Webinaret passar både for frivillige lag og organisasjonar, profesjonelle kunst- og kulturaktørar, kommunar og andre som jobbar med kulturprosjekt.
– Vi håper mange vil delta, og at webinaret kan bidra til fleire gode kulturprosjekt i fylket, seier Løkhaug.
Påmeldingslenke og meir informasjon finn du på fylkeskommunen si nettside. Webinaret vil bli teksta og lagt ut i etterkant.