Skaparkraft: Søk støtte til prosjekt som kan gi gevinstar både for økonomien og klimaet

Bedriftssamarbeid, klynger og innovasjonsmiljø kan søke støtte til sirkulære prosjekt.

Mann i gul kjededress og kvinne som held to flasker med sølevatn - Klikk for stort bileteHans-Christian Haugen og Christine Young Kolvik i Rewaste er blant prosjekta som tidlegare har fått midlar frå Skaparkraft. Rewaste

Ordninga Skaparkraft – Grøne industrielle løft skal legge til rette for utvikling av nye berekraftige næringar og styrke eksportnæringane i Møre og Romsdal. Søknadsfrist er 1. november.
– Dette er ein god moglegheit for bedrifter som ønsker å samarbeide om å utnytte ressursane betre og nå klimamåla, seier prosjektleiar Martin Ose i Møre og Romsdal fylkeskommune.

Prosjekta kan få inntil 1 mill. kroner i tilskot for maksimalt eitt år.

Du kan lese meir om ordninga og søke her.