Den årleg levekårsundersøkinga til Statistisk sentralbyrå blei lagt fram førre veke og syner at Møre og Romsdal er fylket med 3. lågast total bu-utgifter. Det er berre fylka i Nord-Norge som har lågare bu-utgifter, medan Innlandet ligg på plassen føre. Det er 272 husstandar i Møre og Romsdal som har blitt trukke ut til å svare.
Fylkesplansjef Ingunn Bekken Sjåholm kommenterer tala slik:
“Eit av fortrinna med å bu i Møre og Romsdal er at vi har meir igjen til andre formål når rekningane til bustaden er betalt. Vi har låge bukostnader i forhold til mange andre fylke. Når det gjeld subjektiv oppleving av kor tyngande ein synest bukostnadane er, så ligg vi midt på treet av fylka.”
Med ei total årleg bu-utgift på 135 602,- ligg Møre og Romsdal på totalt 9. av 11 plasser.
Følger utviklinga over tid
Målet med Levekårsundersøkinga er å belysa hovudtrekk og ulikheiter i levekår blant befolkninga, og å følgja utviklinga over tid. Over ein treårsperiode skal Levekårsundersøkinga EU-SILC, saman med dei SSB sine undersøkingar om arbeidsmiljø og helse, omsorg og sosial kontakt, dekka dei viktigaste levekårsområda i den norske befolkninga.
Møre og Romsdal ligg på midt på treet i kategorien «opplever boutgiftene som svært tyngende». Det er 7 prosent av dei spurde frå Møre og Romsdal som svarar dette. Dette er lik score med Agder.
Klikk her for å sjå levekårsundersøkelsen på SSB sine heimesider (Ekstern lenke).