Nettverksbygging står sentralt i omstillingsprogrammet Sykkylven.
Lise Haukeberg
Etter seks år er målet at omstillingsarbeidet skal ha bidratt til 170 nye- eller sikra arbeidsplassar. Fylkeskommunedirektøren meiner programmet så langt har ei god måloppnåing: «Litt etter skjema, men det er vanleg i slike prosjekt at resultat i form av arbeidsplassar kjem mot slutten av, og etter prosjektperioden», skriv fylkeskommunedirektøren i saka «Tilskot til omstillingsprogrammet i Sykkylven – år 4».
Saka blir behandla av kompetanse- og næringsutvalet fredag 15. mars. Fylkeskommunedirektøren innstiller på å løyve et tilskot på inntil 3,4 millionar kroner for 2024. Tilskot blir finansiert av øyremerka tildeling frå Kommunal- og distriktsdepartementet.
Summerer opp
I saksframlegget blir arbeidet så langt med omstillingsprogrammet summert opp: «Fylkeskommunedirektøren si vurdering er at Sykkylvs-samfunnet og det konkrete næringsutviklingsarbeidet som går føre har fått eit løft, allereie halvvegs inn i prosjektperioden. Undervegs har det blitt kraftig demonstrert kor sårbart nærings- og samfunnslivet i Sykkylven er for konjunktursvingingar. (...) Dette viser at større mangfald i produkt og bransje, som kan gi fleire bein å stå på, vil vere heilt avgjerande å jobbe med for omstillingsprogrammet i Sykkylven i åra framover.»
Viktig arbeid framover
Og så ser fylkeskommunedirektøren framover: «Programstatusevalueringa for 2023 peikar på at ein no må vurdere kva satsingar som må prioriterast i siste halvdel, og planlegge korleis arbeid med næringsutvikling og omstilling skal vidareførast etter omstillingsperioden. Det er viktig at slike program, utover å nå måla for prosjektperioden, oppnår ei varig styrka utviklingsevne i næringslivet og lokalsamfunnet. Jobben er ikkje gjort når prosjektet er over, men viss ein har lukkast vil både aktiviteten i næringslivet og det lokale utviklingsarbeidet vere på eit høgare nivå enn før.»
Møteinnkalling, saksliste og saksframlegg for kompetanse- og næringsutvalet fredag 15. mars 2024