Tettare samarbeid mellom fylkeskommunen og NAV skal få fleire ut i arbeid
Møre og Romsdal fylkeskommune og NAV skal styrke samarbeidet om opplæring. Målet er at fleire med bistandsbehov skal gjennomføre opplæring, auke tilgangen til kvalifisert arbeidskraft, og redusere utanforskapet i fylket.
– Eit tettare og meir systematisk samarbeid er avgjerande for nå felles mål, seier kompetanse- og næringsdirektør Møre og Romsdal fylkeskommune, Erik Brekken.
Avtalen omfattar følgande område:
- Samarbeid om statistikk og analyse for å auke kunnskap om næringsliv, arbeidsmarknad, og kompetansebehovet i fylket
- Samarbeid om tilrettelagt fag- og yrkesopplæring for vaksne med rett til vidaregåande opplæring utan stabil tilknyting til arbeidslivet
- Samarbeid om lærlingar og lærekandidatar med behov for tilpassa opplæring
- Samarbeid om å følgje opp ungdom mellom 16 og 24 år som står utanfor opplæring eller arbeid
- Karriererettleiing for vaksne
- Integrering av flyktningar
- Samarbeide om å utvikle og forbetre kvaliteten på opplæring og overgangen til arbeidslivet for folk med ulike bistandsbehov
Publisert 23.01.2024 19.04
Sist endra 23.01.2024 19.08