Trollstigen
Møre og Romsdal fylkeskommune
Samtidig innstiller ho på at fylkestinget ber fylkesordføraren ta kontakt med næringsministeren for å få Trollstigen inn som pilot for ei ordning med besøksbidrag.
Tilrådingane kjem etter at fylkesutvalet tidlegare i år ga fylkeskommunedirektøren fullmakt til å arbeide vidare med etablering av ei ordning med besøksbidrag/bompengar for finansiering av drift, rassikring og andre infrastrukturtiltak i Trollstigen. I vedtaket står det at «Formålet med denne saken er å avklare moglege vegar vidare med å etablere brukarfinansiering av tiltak for å utvikle og sikre ein trygg og god oppleving for besøkande i Trollstigen. Saka omhandlar både besøksbidrag og bompengar.»
Saka skal opp til behandling i fylkesutvalet tysdag 1. oktober og til endeleg avgjerd i fylkestinget 14.-15. oktober.
Bompengar til varige tiltak
I vurderinga om bompengar skriv fylkeskommunedirektøren i saksframlegget at bompengar er tidsavgrensa og kan nyttast til å finansiere varige infrastrukturtiltak, ikkje drift og vedlikehald. Det blir no jobba med eit forprosjekt som skal tilrå løysing for varig utbetring av Trollstigen, inkludert kostnadsanslag. «Når forprosjektet er ferdig og val av konsept er klart, vil fylkeskommunen ha grunnlag til å gjere ein førehandsvurdering av eit mogleg bompengeprosjekt», skriv fylkeskommunedirektøren.
Besøksbidrag til fellesgode
Om ein skal gå vidare med å få plass ei ordning for besøksbidrag, er det behov for å jobbe politisk. Det finst ikkje ei slik ordning i Noreg i dag.
Besøksbidrag for tilreisande og innbyggjarar er tenkt som finansiering av fellesgode, som kan gi nok pengar til etablering, utvikling og drift av infrastruktur. Samstundes kan det medverke til dynamisk besøksstyring i periodar med stort press frå besøkande.
Fylkeskommunedirektøren skriv at det kan vere aktuelt å tenke meir langsiktig for å få etablert ei ordning med besøksbidrag for eit større geografisk område knytt til verdsarvområde inkludert Trollstigen.
Her kan du sjå møtepapira for fylkesutvalet måndag 30. september og fylkesutvalet tysdag 1. oktober.