Smidesang & Lyng / SINTEF.
Smidesang & Lyng / SINTEF
Prosjektet er gjennomført av Tjeldbergodden Rensefisk AS i samarbeid med SINTEF Ocean og gir eit solid kunnskapsgrunnlag for vidare utvikling av sirkulære fôrråvarer.
Verksemda driv eit landbasert oppdrettsanlegg i Tjeldbergodden Biopark. I eit kvalifiseringsprosjekt har dei, med støtte frå RFF, undersøkt korleis sidestraumar frå oppdrett kan utnyttast. Samarbeidet med SINTEF Ocean har vurdert om mikroalgar kan dyrkast som fôrråvare basert på næringsstoff frå avløpsvatn og fiskeslam.
Resultata viser at næringsstoff kan ekstraherast frå fiskeslam i avløpsvatnet og gi effektiv algevekst. Éin mikroalge vart identifisert som særleg lovande. Den produserte biomassen hadde høgt innhald av lipid, aminosyrer og omega-3-fettsyra EPA, og er godt eigna som fôrråvare. Prosjektet gir eit godt grunnlag for vidare forsking på mikroalgar i sidestraumar frå landbaserte oppdrettsanlegg.
Arbeidet blir ført vidare i eit Grønn Plattform-prosjekt på Tjeldbergodden, finansiert av Noregs forskingsråd. Målet er industriell dyrking av mikroalgar basert på fiskeslam, avløpsvatn, spillvarme og CO₂. Slik bidreg prosjekta til nye sirkulære fôrråvarer og støttar det nasjonale samfunnsoppdraget for berekraftig fôr.