Betongarbeidet på land er ferdig på den nye Voksa ferjekai.
Else Britt Ervik
Alt betongarbeidet på land er ferdigstilt, men det ligg mykje arbeid under overflata.
- Dette er ein viktig milepæl i framdrifta, seier byggeleiar i Møre og Romsdal fylkeskommune, Andreas Brekke.
Arbeidet som er gjort så langt er å utdjupe hamna med graving frå lekter og sprenging under vatn. I tillegg er det bora ned fjellboltar for fundamentering av kaia. Det er og lagt nye trekkerøyr for vatn- og eltilførsel.
Større ferje på sambandet
Alle dei fire kaiene i sambandet Larsnes, Åram, Voksa og Kvamsøy står ovanfor nødvendig oppgradering. Frå 2025 blir det sett inn større ferje med kapasitet på 50 personbilar. Voksa og Larsnes får heilt nye ferjekaier.
- Det er litt arbeid igjen, men både Voksa og Kvamsøy skal vere ferdig i god tid før sommarsesongen, lovar Brekke.
- Entreprenøren Aurstad Tunnel AS har jobba bra, og vi ser fram til neste steg i prosjektet.
Møre og Romsdal fylkeskommune er byggherre på prosjektet som utførast i samarbeid med entreprenør Aurstad Tunnel AS. Etter planen skal arbeidet med alle kaiene være ferdig ved utgangen av 2024.
Sjå bilde frå arbeidet: