Kva er ABC?
ABC står for «act, belong, commit». Omsett til nynorsk betyr det å gjere noko aktivt, gjere noko saman og å gjere noko meiningsfylt. Metoden er utarbeidd i Australia, og Trøndelag fylkeskommune har vore nasjonal pilot for metoden i Noreg. No blir prosjektet rulla ut nasjonalt og Møre og Romsdal fylkeskommune er med!
Det overordna målet med ABC for god psykisk helse er at heile befolkninga skal forstå kva grep som skal til for å styrke eigen og andre si psykiske helse, og at vi klarer å gjere meir av desse grepa i kvardagen vår. På den måten kan vi bli ei endå meir robust befolkning.
Det er tre grep som står sentralt for å styrke den psykiske helsa:
- Å vere aktiv på ulike måtar
- Å vere saman med andre
- Å gjere ting ein synest er meiningsfullt
Vårt mål med prosjektet i Møre og Romsdal
ABC-rammeverket skal brukast både regionalt og lokalt for å fremme psykisk helse i heile befolkninga, både i offentlege og frivillige organisasjonar. Dette skal skje gjennom auka kompetanse og bevisstheit, i tillegg styrking av helsefremmande aktivitetar lokalt i Møre og Romsdal.
I første omgang ønsker vi å fokusere særleg på verdien av ABC i frivillig sektor, og vi inviterer både frivilligheita og kommunane for å bli kjent med verktøyet. Følg denne lenka for å lese meir om ABC-metoden.
Vil du lese meir?