Møre og Romsdal 2025

Til Nyttårskonferansen inviterer vi ordførarar, rådmenn/kommunedirektørar, toppleiarar for regionale statlege verksemder med ansvar for Møre og Romsdal, fylkesutval, Mørebenken, Ungdomspanelet, og toppleiing i Møre og Romsdal fylkeskommune og Statsforvaltaren i Møre og Romsdal.  

Konferansen vart arrangert av prosjektet Møre og Romsdal 2025, men vil framover bli arrangert av seksjon for berekraftig samfunnsutvikling. Medarrangørar er Statsforvaltaren i Møre og Romsdal, KS, NAV og Ungdomspanelet. 

Nyttårskonferansen 2025 blir arrangert 9.-10. januar 2025. 

Årets regionbyggar

Nyttårskonferansen deler ut prisen Årets regionbyggar til ein person, organisasjon, bedrift eller offentleg aktør som har utmerka seg på ei enkeltsak eller over tid som ei samlande kraft i fylket - eller har tatt spesielt initiativ som bygger Møre og Romsdal saman.

Deltakarane på Nyttårskonferansen – leiarar i offentleg sektor i Møre og Romsdal – nominerer kandidatar med grunngiving i kriteria over. Programkomiteen (Fylkeskommune, Statsforvaltar, NAV, Ungdomspanelet og KS) er jury.

Tidlegare vinnarar av prisen:

Årets regionbyggar 2023: Ungdomspanelet

Årets regionbyggar 2022: Kristiansund og Nordmøre næringsforum, Molde næringsforum og Næringsforeningen Ålesundsregionen

Årets regionbyggar 2021: Ungt Entreprenørskap

Årets regionbyggar 2020: Stikk Ut!

Digi Møre og Romsdal er et samarbeid mellom kommunene og fylkeskommunen. Sammen jobber vi for å sikre kvalitet og økt kraft i digitaliseringsarbeidet, og i den digitale transformasjonen. 
Du kan lese meir på Digi Møre og Romsdal si nettside

Eit strategisk samarbeid mellom statlege og regionale aktørar på velferdsområdet om oppgåveløysingar for å kunne gi gode og samordna tenester til kommunane.  

Mål for Levekårsnettverket i Møre og Romsdal:

• Skape eit forum der statlege og regionale aktørar samarbeider om oppgåveløysingar på prioriterte område for å kunne gi koordinerte tenester til kommunane på velferdsområdet.
• Samordne sine satsingar og verkemiddel for å styrke effekten, og slik bidra til å yte samanhengande offentlege tenester til innbyggarane i fylket.
• Starte fellessatsingar der utfordringsbildet viser at det er nyttig

Kontaktperson for Levekårsnettverket:

Else-May Botten, Statsforvaltar i Møre og Romsdal

Utanforskap var eitt av områda deltakarane i MR2025 ønska å samarbeide om i oppstartsundersøkinga for programmet. Utanforskap brukast stadig oftare om unge som ikke er i skole, opplæring eller arbeid. Det er i Møre og Romsdal, som i Noreg, ei stor gruppe i utanforskap. Det er viktig å peike på at denne gruppa ikkje er einsarta. Men uavhengig av årsak står dei utanfor skole, opplæring eller arbeid.

Tal frå 2020 viste at om lag 2 000 unge mellom 16 og 25 år i Møre og Romsdal sto utanfor utdanning og arbeid. Dette utgjer 6 prosent av unge i aldersgruppa og er tilsvarande som i resten landet (sjå rapport frå Nordlandsforskning under). Det er nok til å fylle nesten 70 skuleklasser!

Ungt utanforskap er ei stor samfunnsutfordring som har store kostnader både for den enkelte og for samfunnet. Utanforskap kan føre til alvorlege konsekvensar for helse og livskvalitet. For samfunnet kostar utanforskap pengar både i form av større utgifter til offentlege tenester og tapte inntekter. Skal vi lykkes må alle bidra - for dette her må vi løyse saman. Ansvaret for å inkludere fleire barn og unge er fordelt over en rekke politikkområde, frå barnehage og skole, helsetenester til bustadpolitikk. Det må samarbeidast på tvers over alle forvaltningsnivåa, med kommune, fylkeskommune og stat og andre samfunnsaktørar, som næringslivet og frivillige organisasjonar.

Vi lykkast ikkje godt nok med å få alle inn i jobb og utdanning. MR2025 arbeidde for korleis vi saman kan bidra til å løyse denne systemiske utfordringa. Dette er ei utfordring som ikkje har ei løysing eller avhenger av ein aktør - vi må saman sette retning, mobilisere og bygge kunnskap for fleire nye løysingar som endrar systema som førar til utanforskap. 

MR2025 arbeidde mellom anna for fellessatsingar med Levekårsnettverket, deltek i KS sitt Partnarskap for radikal innovasjon, regional oppfølging av regjeringas store satsing gjennom eit nasjonalt samfunnsoppdrag og vi samarbeidde med Nordland fylkeskommune og Nordlandsforskning for å kartlegge årsaker til utanforskap. Du kan lese og laste ned rapportane frå Nordlandsforsknings kartlegging av ungt utanforskap i Møre og Romsdal her og KS forprosjektet "Frå ungdom til ung vaksen" si prosessbeskriving her. 

Ungt Entreprenørskap fornyar og inngår no nye samarbeidsavtalar med alle kommunane i fylket om satsing på Ungt Entreprenørskap. Det er eit klart mål å få med flest mogleg av kommunane på denne satsinga.

Les meir om Ungt Entreprenørskap og programma i grunnskulen her:
https://www.ue.no/program

For spørsmål om satsinga på Ungt Entreprenørskap eller fornya kommuneavtale, ta kontakt med dagleg leiar Lars Øyvind Baltzersen i UE Møre og Romsdal. https://www.ue.no/kontakt/moreogromsdal

Regionale statlege aktørar møtest med eigne statsetatsmøte ved behov. Møta skal bidra til å løfte aktuelle problemstillingar, for å bli kjende med kvarandre sine pågåande prosessar, utfordringar og vegval i statleg styring og samordning i Møre og Romsdal.

Statsforvaltaren i Møre og Romsdal har ansvar for samlingane.

Kontaktperson: 

Else-May Botten 

e-post: else-may.botten@statsforvalteren.no

Prosjektet Berekraftfylket (avvikla i 2024) var ei felles regional satsing på berekraft etter initiativ frå Møre og Romsdal fylkeskommune, organisert under Møre og Romsdal 2025.

Berekraftfylket la til rette for samarbeid mellom kommunane om løysing av felles, identifiserte berekraftsutfordringar med ei bredde av aktørar, og jobba med å bygge eit fellesskap mellom kommunane i Møre og Romsdal som styrka evna til heilskapleg og integrert berekraftsarbeid.