Søke driftstilskot
Fagskolar kan søke driftstilskot til utdanningstilbod i Møre og Romsdal.
[Gå til tilskotsordninga]
Tilskotet skal bidra til:
- god kvalitet i utdanningane
- gjennomføring for studentane
- kompetanse som arbeidslivet har behov for
Samarbeid: HYU Møre og Romsdal
HYU Møre og Romsdal er ein møteplass for fagskolar, arbeidsliv og fylkeskommunen.Her kan du samarbeide om nye utdanningstilbod, få innsikt i kompetansebehov og dele erfaringar med andre fagskolar.
Vi har to samlingar i året, ei fysisk og ei digital. [Sjå program frå samling (7. mai 2026)]
Bruke analyser og kunnskapsgrunnlag i planlegging
Her finn du dokument som er viktige når du planlegg og utviklar utdanningstilbod:
Kva er høgare yrkesfagleg utdanning
Høgare yrkesfagleg utdanning (fagskole) er korte, yrkesretta utdanningar på nivået over vidaregåande opplæring. Utdanningane er tett kopla til arbeidslivet og utvikla i samarbeid med næringsliv og offentleg sektor.
Denne typen utdanning gjer det mogleg å bygge kompetanse raskt og fleksibelt, ofte ved sidan av jobb. Det er særleg viktig i eit arbeidsliv prega av teknologiutvikling, grøn omstilling og auka krav til beredskap.
For Møre og Romsdal bidreg høgare yrkesfagleg utdanning til å sikre tilgang på relevant arbeidskraft, styrkje omstillingsevna i næringslivet og leggje til rette for verdiskaping i heile fylket.
Fylkeskommunen si rolle
Møre og Romsdal fylkeskommune har eit regionalt ansvar for høgare yrkesfagleg utdanning.
Fylkeskommunen:
- forvaltar statlege driftstilskot til fagskolar
- eig og styrer Fagskolen Møre og Romsdal
- prioriterer fagområde basert på regionale kompetansebehov
- legg til rette for samarbeid mellom utdanning og arbeidsliv
- bidreg til utvikling av nye utdanningstilbod
Målet er å sikre relevante og tilgjengelege utdanningstilbod i heile fylket.
Fagskolar i Møre og Romsdal
Dette er fagskolar i fylket som får statleg tilskot:
Fagskolane tilbyr korte og fleksible utdanningar innan:
- helse og velferd
- tekniske fag
- maritime fag
- kreative fag