Oppfølging av lærlingar

Det er viktig at du som arbeider i lærebedrifta har ei god oppfølging av lærlingar og lærekandidatar.

Oppstart av læretid

Skriv lærekontrakt og arbeidsavtale.
Planlegg oppstarten. La gjerne lærlingen få kome på besøk før første arbeidsdag for å gjere seg kjent og helse på kollegaer.
Gå gjennom læreplanen, både overordna del og fagspesifikk del. Lag ei intern plan for opplæringa.
Sørg for å ha eit system for internkontroll. Du finn internkontrollskjema for lærebedrifter her.
Lærlingen har rett på eit trygt og godt arbeidsmiljø fritt for trakassering. Lærebedrifta må arbeide førebyggande for å sikre dette. Les meir i retningsliner for førebygging og handtering av seksuell trakassering, og heng gjerne opp plakat for førebygging av seksuell trakassering. (PDF, 68 kB)
Ta godt imot lærlingen på første arbeidsdag. Arbeid for å skape ein god relasjon til lærlingen, og eit trygt miljø. Gjennomfør oppstartsamtale. Vurder om det er behov for spesielle tilretteleggingar.
Ha ei tett oppfølging i starten og inkluder lærlingen i planlegginga av opplæringa.
Sørg for at lærlingen har ein godkjent fagleg leiar med hovudansvar for lærlingen. Ved behov for endring av fagleg leiar kan de søke om dette. Det er den nye faglege leiaren som må søke.
Sjekk om lærlingen manglar fag eller eksamenar. Lag ei plan for gjennomføring om noko manglar. (PDF, 454 kB) Lærlingen kan søke om unntak frå bestått i inntil to fellesfag på visse vilkår. Les meir og søk om unntak frå krav om bestått i fellesfag her
Start på gjennomføring av kompetansepakka som Utdanningsdirektoratet har laga

Meld deg på kurs for faglege leiarar og instruktørar som fylkeskommunen gjennomfører kvar haust. Lærebedrifta får invitasjon.
Delta gjerne på webinara som fylkeskommunen arrangerar.
Følg opp lærlingen jamnleg. Gjennomfør halvårssamtalar.
Dersom lærlingen skal ha permisjon, militærteneste eller liknande må de søke om endring av læretid. Bruk skjema Søknad om endring av læretid (PDF, 146 kB)
Dersom de opplever utfordringar i læretida så kan opplæringskontor, seksjon Opplæring i bedrift i fylkeskommunen eller elev- og lærlingombodet hjelpe. Det er viktig å ta tak i utfordringa tidleg for å finne ei god løysing. Bruk rettleiar ved bekymring i læreforhald og fare for heving til hjelp. (DOCX, 781 kB)
Dersom du skal ta inn ein lærekandidat som ikkje har søkt om læreplass innan fristen, eller skal endre kontrakten frå lærling til lærekandidat eller omvendt, må du søke om dette. Bruk skjema for søknad om opplæringskontrakt eller omgjering av kontrakt (PDF, 162 kB)
Dersom lærekontrakten må hevast, bruk skjema søknad om heving av lærekontrakt (PDF, 186 kB)

Meld opp lærlingen til fagprøve i Vigobedrift Dersom lærebedrfta er medlem av eit opplæringskontor kan det vere at det er opplæringskontoret som melder opp lærlingen.
Gjennomfør mini-fagprøver der lærlingen kan øve på gjennomføring av fagprøva.
Legg til rette for gjennomføring av fagprøva på prøvedagane.