4 Fråver
Ein del utfordringar kjem til uttrykk gjennom høgt fråver.
Korleis kan lærlingen sitt fråvær utarte seg?
- Manglande fagleg utvikling eller mangel på motivasjon kan utarte seg til fråver.
- Fråveret startar ofte i det små før det utviklar seg til meir omfattande fråver.
- Lærlingen prøver å unngå enkelte situasjonar eller arbeidsoppgåver og møter derfor ikkje på jobb.
- Lærlingen kan ha utfordringar med å starte på jobb etter langvarig sjukdom eller feriar.
Kva kan du som arbeider med lærlingen gjere?
- Følg stega i fylkeskommunen si rutine for “Fare for heving”
- Ta initiativ tidleg til ein samtale med lærlingen dersom du mistenker utvikling av bekymringsfullt fråvær. Du kan også be om lærlingen sin tillatelse til å få snakke med foreldra/føresette dersom du tenker det er hensiktsmessig. Bruk tipsa om korleis du gjennomfører den gode samtalen.
- Utelukk mobbing, trakassering eller utrygt miljø. Ver merksam på at lærlingen ofte ikkje vil fortelje om dette.
- Signaliser at lærlingen er ønska på jobb, gjennom å regelmessig sende SMS og ringe. Det er fint om også andre kollegar og/eller leiar også tar kontakt.
- Ha regelmessige samtalar med lærlingen om dagen eller veka som har gått, og gjennomgang av neste dag/veke.
- Avtal ein «trygg stad», til dømes eit pauserom, som lærlingen kan trekkje seg tilbake til ved behov, som eit alternativ til å dra heim.
- Hjelp lærlingen med å få og utvikle gode relasjonar på arbeidsplassen.
- Trygg lærlingen i overgangssituasjonar.
- Dersom lærlingen er borte frå arbeid utan å varsle må du ta kontakt med lærlingen. Finn ut om det er sjukdom eller noko anna. Vis interesse, og ver litt «på». Dess lengre fråværet er, dess vanskelegare er det å kome tilbake til arbeid.
- Ta kontakt med opplæringskontor eller rådgivar ved seksjon opplæring i bedrift dersom tiltaka ikkje fungerer innan kort tid.