Kunstig intelligens i skolen

  1. 1 Innleiing
    1. 1.1 Kva er kunstig intelligens?
    2. 1.2 Språkmodellar
    3. 1.3 Etiske reglar og kulturelle vridningar i språkmodellar
  2. 2 Verktøy for KI i Møre og Romsdal fylkeskommune
    1. 2.1 Microsoft Copilot (tilsette)
    2. 2.2 NDLA Praterobot (lærarar og elevar)
  3. 3 Korleis lage gode spørsmål til KI?
    1. 3.1 Still detaljerte spørsmål
    2. 3.2 Plasser spørsmålet i ein kontekst
  4. 4 Retningslinjer for bruk av KI i skolen
  5. 5 Fem tips til deg som underviser
  6. 6 KI og vurdering
  7. 7 Kva kan KI gjere for lærarane?
  8. 8 Kva kan KI gjere for elevane?
  9. 9 Kjelder
Til dokumentforside Last ned som PDF
Førre kapittel Neste kapittel

8 Kva kan KI gjere for elevane?

Å bruka praterobotar som ein sparringspartnar i læreprosessen kan i nokre tilfelle vere nyttig for elevane, men då må dei gjerast merksame på svakheitene med verktøyet. Elevane må vere merksame på at fakta eller kjeldetilvisingar ofte ikkje er korrekte.

Omset tekst

KI kan omsetje tekst til eit anna språk og på den måten gi deg lettare tilgang til teksten.

Forslag til refleksjon for elevane: Kva skjer med teksten du «matar inn» i roboten? Korleis blir den brukt? 

Forklare komplekse omgrep

KI kan forklare komplekse omgrep med andre ord. Eleven kan f.eks. be prateroboten om å «forklare dette for ein 16-åring». Dette kan hjelpe eleven i lesing og forklaring/forståing av tekst og omgrep. Prateroboten kan også lage spørsmål eleven kan bruke for å teste om hen har forstått teksta.

Forslag til refleksjon for elevane: Kan du vere sikker på at KI forklarer omgrepa på rett måte? Er forklaringa korrekt? Lærer du meir dersom du må jobba mindre for å forstå eit omgrep?

Lage samandrag

KI kan lage samandrag av lange tekstar, og den kan lage stikkord og punktlister til presentasjonar. Den kan også lage eksempel og historier som konkretiserer teori.

Forslag til refleksjon for elevane: Kan du vere sikker på at KI får med det viktigaste? Kvifor definerer KI akkurat desse punkta frå teksta som viktige? 

Personleg rettleiar

KI kan hjelpe eleven med å planlegge og organisere idear og struktur i tekst eleven skal skrive. Prateroboten kan gi eleven tilbakemelding på grammatikk, teiknsetting og innhaldet i det eleven har skrive. Eleven kan også få hjelp med enkle matematikkproblem, øve på ulike reknemåtar eller få forklaringar på uttrykk i matematikken. Prateroboten er ikkje god til å løyse matteoppgåver, men den er veldig flink til å forklare deg korleis du kan løyse dei. Den kan altså bli som ein personleg rettleiar for elevane, som er tilgjengeleg og svarar venleg på spørsmål til alle døgnets tider! 

Forslag til refleksjon for elevane: Korleis påverkar leieteksten din svara du fekk frå prateroboten? Kan du stole på ideane du får frå prateroboten? Kvar går grensa? Treng ein ingen kreative idear sjølv lenger?

Førre kapittel Neste kapittel