Følg arbeidet med forslag til ny skole- og tilbodstruktur

Kva skole treng vi i framtida?

Vinter/vår 2025 arbeider vi med å få på plass eit tilstrekkeleg og oppdatert kunnskapsgrunnlag til kva skole- og tilbodsstruktur vi treng i Møre og Romsdal i framtida. Vi ser mellom anna på:

• framtidig kompetansebehov i regionen
• elevframskrivinga i skoleregionane Nordmøre, Romsdal, Nordre Sunnmøre og Søre Sunnmøre
• kva skole- og tilbodsstruktur kan ha å seie for kvaliteten i opplæringa
• behovet for undervisningsareal, utnyttingsgrad og tilstand på skolebygg
• behov for skoleskyss og reisetidsanalyser

Arbeidet skal munne ut i eit forslag til ny skole- og tilbodsstruktur. Forslaget vil ligge ute på høyring i perioden 2. juni - 1. september 2025. Kunnskapsgrunnlaget vil bli offentleg tilgjengeleg samtidig med høyringa.   

Behov for dialog?

Det har vore, og er planlagt, mange dialogmøte mellom fylkeskommunen og ulike interessentar. Vi legg fortløpande ut oversikt over møta som har vore.

Dersom nokon har ønskje om besøk frå fylkeskommunen for å informere og svare på spørsmål, ta kontakt med kompetanse- og næringsdirektør Erik Brekken. 

Høyring - sei kva du meiner

Når forslaget til ny skole- og tilbodsstruktur er ferdig, blir det høve for innbyggarar, kommunar, lag og organisasjonar til å komme med innspel. Alle innspel blir gjennomgått og tatt med som ein del av administrasjonen si innstilling (saksframlegget). Saka vil bli behandla i fleire politiske organ i perioden oktober - desember, med endeleg vedtak i fylkestinget i 9. - 10. desember 2025  

Les meir om høyringa her.

Framdrift