Den offentlege tannhelsetenesta i Møre og Romsdal

Innhold

  • Spørsmål om timeavtaler eller tannbehandling må rettast til den enkelte tannklinikk - se våre tannklinikkar

Om tannhelsetenesta

Møre og Romsdal fylkeskommune har ansvar for den offentlege tannhelsetenesta i fylket.

Den offentlege tannhelsetenesta gir tilbod om regelmessig, gratis eller rabattert tannbehandling til alle grupper pasientar som har rettar etter tannhelsetenestelova. Dei klinikkane som har kapasitet, tar og imot vaksne betalande pasientar. 

Tannhelsa er ein del av folkehelsa, og den offentlege tannhelsetenesta i fylket organiserer også helsefremmande og førebyggande tiltak utanfor klinikkane. Målet er å bidra til god folkehelse gjennom å arbeide for at befolkninga har kunnskap, ferdigheiter og haldningar som set dei i stand til å oppretthalde ei god tannhelse heile livet. 

 

Organisering

Tannhelsetenesta er organisert som eigen fagavdeling i fylkeskommunen.

Fylkestannlegen er leiar av den offentlege tannhelsetenesta i Møre og Romsdal, som er organisert i 4 kompetanseregionar med 27 klinikkar og med ca. 200 tilsette. 

  • For generelle henvendelser til tannhelse, kontakt Fylkestannlegens kontor

    Epost: fylkestannlegen@mrfylke.no / Telefon: 71 28 03 00

    Besøksadresse: Fylkeshuset, Julsundvegen 11, 6415 Molde

    Postadresse: Fylkestannlegen i Møre og Romsdal fylkeskommune, Postboks 2500, 6404 Molde

Fylkestannlegen og administrasjon

Tone Nord er Fylkestannlege i Møre og Romsdal, og er fagleg og administrativ leiar for den offentlege tannhelsetenesta i fylket. Fylkestannlegen sit i leiargruppa til fylkeskommunedirektøren.​​​​​​​

Fylkestannlegens kontor er fylkestannlegens stab og den sentrale administrasjonen for tannhelsetenesta. Fylkestannlegen og administrasjonen held til ved fylkeshuset i Molde.

 

Kristiansund kompetanseregion

Tannklinikker i Aure, Averøy, Kristiansund, Smøla, Sunndalsøra, Surnadal og Tingvoll.

Sara Rutley er overtannlege, og er fagleg og administrativ ansvarleg for Kristiansund kompetanseregion. 

Molde kompetanseregion

Tannklinikker i Eide, Elnesvågen, Midsund, Molde (med TOO-teamet), Vestnes og Åndalsnes.

Henriette Stavik Hollingen er overtannlege, og er fagleg og administrativ ansvarleg for Molde kompetanseregion. 

Ålesund kompetanseregion

Tannklinikker i Harøy, Langevåg, Stranda, Sykkylven, Valderøy, Valldal, Vatne og Ålesund.

Are Kristofer Hjeltnes er overtannlege, og er fagleg og administrativ ansvarleg for Ålesund kompetanseregion. 

Søre Sunnmøre kompetanseregion

Tannklinikker i Fiskå, Fosnavåg, Hareid (med avd. Larsnes), Volda (med avd. Grodås) og Ørsta.

Hege Myklebust er overtannlege, og er fagleg og administrativ ansvarleg for Søre Sunnmøre kompetanseregion. 

 

Jobb i den offentlege tannhelsetenesta

Med 26 klinikkar og 200 tilsette i heile fylket, tilbyr vi tannbehandling til alle innbyggarar og jobbar med helsefremmande tiltak. Vi er delt inn i fire kompetanseregionar – Kristiansund, Molde, Ålesund og Søre Sunnmøre, og her bygger vi sterke fagmiljø og felleskap i kvar region.

Vi er stolte av jobben vi gjer og tenestene vi leverer. Og til deg som ønsker å søke deg hit og som kanskje er ny i fylket, kan vi fortelle at det er korte avstandar til det meste. Mellom fjord og fjell, by og bygd, og båt og fly.

I tillegg til ein god jobb, ligg alt til rette for at du skal nyte naturen, bu ein plass du trivst, møte trivelege folk og ha ei meiningsfull fritid.