Kven har rett til gratis eller rabattert tannbehandling?

Gratis tannbehandling på offentleg tannklinikk.

Frå det året du fyller 19 år, til og med det året du fyller 26 år, betalar du 25% av takstane for tannbehandling frå Helse- og omsorgsdepartementet. Desse takstane er noko lågare enn takstane for den offentlege tannhelsetenesta.

• Les her om kva du skal gjere for å få rabatt. 

Gratis tannbehandling på offentleg tannklinikk.

Eldre, uføre og kronisk sjuke med opphald i somatiske eller psykiatriske institusjonar, har rett til gratis naudsynt tannbehandling frå den offentlege tannhelsetenesta.

Føresetnaden er at opphaldet vil vare samanhengande utover 3 månader.

Pasientar som mottar helsefaglege heimebaserte tenester (heimesjukepleie), har rett til gratis naudsynt tannbehandling frå den offentlege tannhelsetenesta. 

Føresetnaden er kommunalt vedtak etter Helse- og omsorgstenestelova § 3-2 punkt 6a – helsetjenester i hjemmet, og når den helsefaglege heimebaserte tenesta blir gitt minst 1 gong i veka og det er forventa at den vil vare samanhengande utover 3 månader.

Merk at pasientar som kun mottar praktisk hjelp etter Helse- og omsorgstenestelova § 3-2 punkt 6b - personlig assistanse, herunder praktisk bistand og opplæring og støttekontakt, ikkje har rett til gratis tannbehandling frå den offentlege tannhelsetenesta.

Pasientar i pleie av pårørande, finansiert med omsorgslønn, har rett til gratis naudsynt tannbehandling på offentleg tannklinikk 

Føresetnadene er at pleiebehovet attesterast av lege og at pleieperioden er forventa å vare utover 3 månader.

Personar med rusmiddelavhengigheit har rett til gratis naudsynt tannbehandling frå den offentlege tannhelsetenesta, eller hos privatpraktiserande tannlege som den offentlege tannhelsetenesta i Møre og Romsdal har avtale med, dersom:

• personen oppheld seg i behandlingsinstitusjon, etter lov om spesialisthelsetenesta og i omsorgsinstitusjonar etter Helse- og omsorgstenestelova, og når opphaldet har vart samanhengande utover 3 månader.
• personen mottar kommunale tenester samanhengande utover 3 månader, etter Helse- og omsorgstenestelova § 3-2, punkt 6b og 6c.
• personen er under LAR-behandling (legemiddelassistert rehabilitering).

Sit du i fengsel, har du rett til naudsynt, akutt tannbehandling ved behov. Dette gjeld uavhengig av kor lenge du sonar.

Soning i meir enn tre månader

Sit du inne i meir enn tre månedar, får du tilbod om tannhelseundersøking, førebygging og naudsynt tannbehandling. Dette gjeld både om du sit i fengsel og/eller er i ein overgangsbolig.  Heimesoning gir ikkje rettar til tannhelsetenester.

Flyktningar og asylsøkarar i alderen 0 til 24 år har de same rettigheitene som norske barn, ungdom og unge vaksne.

Flyktningar og asylsøkarar som er over 24 år har ikkje rett til gratis eller rabattert tannbehandling, og må oppsøke tannlege ved behov og betale selv.

For bebuarar i ankomstsentre og transittmottak, eller bebuarar i ordinære mottak og integreringsmottak, har UDI tilleggsytingar den enkelte kan søke om for akutt eller naudsynt tannbehandling. 

• Les meir på Helsedirektoratet - Finansiering av tannhelsetjenester.

Møre og Romsdal fylkeskommune har eit tilrettelagt tannhelsetilbod til personar som har blitt utsett for tortur (T), overgrep (O) eller har sterk tannbehandlingsangst (odontofobi, O). 

TOO-behandlinga er gratis. Treng du vidare tannbehandling hos ein annan tannlege eller tannpleiar, må du betale sjølv.

• Les meir om angst for tannbehandling – TOO.